web counter
LEXO PA REKLAMA!

SHKARKO APP

App Store
Google Play

Tre të vrarë dhe 15 të plagosur nga sulmi në Vjenë/ Gjithë policia në gatishmëri, futet dhe ushtria

3 Nëntor 2020, 08:06, Kosova & Bota CNA

Disa persona të armatosur kanë hapur zjarr mbrëmjen e djeshme në qendër të Vjenës, duke vrarë tre persona dhe duke plagosur 15 të tjerë, thotë policia.

Kancelari austriak Sebastian Kurz e quajti atë një ?sulm të neveritshëm terrorist? dhe tha se një i armatosur u vra, shkruan BBC.

Të shtënat ndodhën afër sinagogës qendrore të Vjenës, por nuk është ende e qartë nëse ajo ishte shënjestra. Shefi i policisë së qytetit tha se dy burra dhe një grua mbetën të vrarë dhe 15 të tjerë mbetën të plagosur.

Sulmi ndodhi vetëm disa orë para se Austria të vendoste kufizime të reja kombëtare në përpjekje për të ndaluar rastet në rritje të koronavirusit. Shumë njerëz ishin duke shijuar kohën në bare dhe restorante të cilat tani janë mbyllur deri në fund të Nëntorit.

Policia e Vjenës është e gjitha në gatishmëri teksa kryeqyteti austriak prej orës 8 të mbrëmjes së kaluar nuk po gjen qetësi. Edhe pse autori u vra nga Policia sërish ka dyshime të mëdha se kanë qenë të shumtë të përfshirët në këtë ngjarje dhe prandaj është hapur një investigim në nivele shumë të larta. Po ashtu Sebastian Kurz ka njoftuar se në Vjenë ka hyrë ushtria për të marrë situatën nën kontroll./CNA.al





Lajmet e fundit nga