web counter
LEXO PA REKLAMA!

SHKARKO APP

App Store
Google Play

E fundit!

x

PD i përgjigjet Ramës për rindërtimin/ Dështim total, asnjë video 3D nuk e fsheh dot mashtrimin

3 Nëntor 2020, 11:24, Politikë CNA

PD i është përgjigjur përmes drejtorit të kabinetit, Dorian Teliti deklaratave të kryeministrit Edi Rama, lidhur me procesin e rindërtimit.
Teliti shkruan se Edi Rama ka dështuar në mënyrë spektakolare me rindërtimin.

Sipas tij, treguesi më i drejtpërdrejtë i dështimit me rindërtimin është vendimi i Ramës, në shtator për përgjysmimin e financimit në buxhetin 2020 për fondin e rindërtimit akorduar për FSHZH.

?Edi Rama ka dështuar në mënyrë spektakolare me rindërtimin. Asnjë video 3D e konferencës për shtyp nuk e fsheh dot gënjeshtrën dhe mashtrimin për banesat e qytetarëve. Fakt: 1 vit pas tërmetit, ER ka ndërtuar gjithsej 48 shtëpi nga 3,389 të dëmtuara, 1.4% e totalit.
Në Thumanën e goditur më rëndë nga tërmeti, ER nuk ka ndërtuar ASNJË shtëpi, ASNJË godinë publike.
Treguesi më i drejtpërdrejtë i dështimit me rindërtimin është vendimi i ER në shtator për përgjysmimin e financimit në buxhetin 2020 për fondin e rindërtimit akorduar për FSHZH. Që banesat e qytetarëve nuk do të ndërtohen këtë vit e tregon qartësisht heqja e fondeve të parashikuara për rindërtimin nga buxheti i këtij viti?, shkruan Teliti./CNA.al





Lajmet e fundit nga