web counter
LEXO PA REKLAMA!

SHKARKO APP

App Store
Google Play

E fundit!

x

Topalli i tregon vendin Bashës/ “Njerëzit që shpifin o janë të trembur o urrejnë”

2 Nëntor 2020, 20:44, Politikë CNA

Drejtuesja e “Lëvizjes për Ndryshim” Jozefina Topalli i është përgjjigjur shkurt Lulzim Bashës, sonte në ?Real Story? pasi ky i fundit tha se partitë e reja janë të krijuara nga Edi Rama, duke nënkuptuar që kjo e fundit është e blerë.

Topalli tha se me Bashën nuk ka asgjë personale, por janë dallimet e mëdhaja parimorë dhe ideore ato që i ndajnë.

?Këto shpifje, fyerje në përgjithësi i injoroj. Makiaveli ka një shprehje, njerëzit që fyejnë dhe shpifin o janë të trembur, o urrejnë. Unë nuk dua ta çoj përtej atë që thotë Makiaveli që të mendoj janë të dyja bashkë.

Është abuzuar shumë me përceptimin që dikujtë i ka intersuar me përcjell se ka diçka personale. Nuk ka asgjë personale.

Sa për urrejtje nuk e njoh dhe  nuk do ia lejoja vetes të angazhohesha në urrejtje.

Përçmim po, por urrejtje jo.

Ndarjet, difirencat, midis nesh unë i kam thënë publikisht para 2017.

Unë kam dalë në televizor dhe e kam bërë me ndërgjegjen më të thellë për të bërë distancimin për shkak se kishte dallime të mëdha parimore, në atë që unë besoj se duhet të jetë dhe një politikan duhet të ketë në interesin publik.  Por kur interesi personal mbizotëron mbi interesin publik.

Ajo që kam paralajmëruar ka treguar se kam pas të drejtë. Në qoftë se folëm dhe për dështimin e reformën në drejtësi nga pikëpamja e rëndësisë që kishte një forcë opozitare për të mos arritur këtu ne po ashtu kemi reformë zgjedhore. Kryeministri ndryshoi kodin zgjedhor, në heshtje bëjmë sikur. Vazhduam pushimet, nuk patëm asnjë betejë për të bërë për atë që konsiderohej kauza e forcës opozitare?, tha Topalli./CNA.al

 





Lajmet e fundit nga