E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama mbledh drejtuesit e qarqeve/ Balla zbardh detaje nga takimi në selinë rozë

2 Nëntor 2020, 09:15, Aktualitet CNA

Kreu i grupit parlamentar i Partisë Socialiste Taulant Balla ka zbardhur detaje nga mbledhja që u zhvillua sot mes kryeministrit Edi Rama dhe drejtuesve politik në qarqe.

Për media, Balla tha se të pranishëm në këtë takim kanë qenë edhe ministrat, ku në fokus të diskutimeve ka qenë adresimi i problematikave të qytetarëve.

Mes të tjerash, Balla iu drejtua me një thirrje dhe opozitës, duke i kërkuar të mos bëjë politikë me situatën e krijuar nga koronavirusi.

?Ka pasur një raportim të ecurisë së punëve tona organizative. Në vëmendjen tonë të përhershme janë dhe problematikat që ngrenë qytetarët. Edhe në mbledhjen e sotme ka pasur një raportim të të gjitha çështjeve. Përveç drejtuesve politik të qarqeve, në mbledhjen e sotme ishin dhe ministrat, për të ndjekur çdo lloj problematike. Vëmendja jonë është për njerëzit, ndaj dhe qasja jonë për të adresuar problematikat e tyre është e vetmja.

Ne vijojmë një komunikim të vazhdueshëm në çdo cep të territorit. Shpreh mbështetjen time dhe të kolegëve të mi për të gjithë bluzat e bardha, që janë në krye të detyrës, por kryesisht në qendrat spitalore, ku po përballen me të sëmurët. Ju shpreh falënderimet më të sinqerta për një punë të shkëlqyer që po bëhet. I bëj një thirrje miqësore politikanëve të së keqes, që të heqin dorë nga politika djallëzore dhe fyerjet e padrejta që iu adresojnë atyre që janë në krye të detyrës. Nuk ka asnjë opozitë kaq djallëzore në botë që të bëjë politikë me këtë situatë?, tha Balla.

Ndërkohë që ai u pyet edhe për rastet e vetëvrasjes në spital të personave të infektuar me koronavirus, ku u përgjigj se raste të tilla ndodhin edhe në botë.

?Raste të tilla kanë ndodhur dhe në botë. Ju shpreh ngushëllime familjarëve. Më vjen keq për përpjekjen e katër politikanëve të së keqes, që sot mundohen të përdorin fatkeqësinë për llumin e tyre politik?, tha Balla.

Ndërsa pyetjes se sa të rrezikuar janë qytetarët që i thërrasin në mitingjet e PS, ku nuk ka distancë sociale dhe as maska, Balla preferoi të mos i përgjigjej.

?Nuk dua t?i përgjigjem pyetjes. Nuk ndodh në asnjë takim tonin të ketë qytetarë pa maska, me përjashtim të atyre që e kanë kaluar Covid-in?, tha Balla. CNA.al/