web counter
LEXO PA REKLAMA!

SHKARKO APP

App Store
Google Play

E fundit!

x

Legalizimi i pronave/ Balla dhe Lame shpërndajnë 67 certifikata pronësie në Belsh

1 Nëntor 2020, 11:52, Aktualitet CNA

Kreu i grupit parlamentar i Partisë Socialiste Taulant Balla ishte sot në fshatin Çërragë të Belshit, ku së bashku me drejtorin e Kadastrës Artan Lame shpërndanë 67 certifikata pronësie për toka.

Balla iu bëri thirrje të gjithë qytetarëve të respektojnë afatin e vendosur, për t?i hapur rrugë më tej vazhdimit të procedurave, ndërsa sqaroi pse ky proces u vonua 30 vite dhe njerëzit kishin humbur shpresën.

Sipas tij, gjatë 7 viteve të qeverisjes, PS ka dhënë më shumë leje legalizimi se paraardhësit e saj. Balla shtoi se moslegalizimi i pronave ka ndikuar edhe në ekonominë e vendit.

?Në vitin 2005 e mbani mend që Berisha erdhi në pushtet me kartën e legalizimeve. 8 vite në pushtet Saliu, Luli dhe 4 vite me Ilir Metën, legalizoi vetëm 21 344 leje legalizimi. Për 8 vite i bie diku te 2500 leje në vit për të gjithë Shqipërinë. Në total në 7 vite tonat ne kemi bërë 220 mijë leje legalizimi për 7 vite, 10 herë më shumë sesa legalizoi Luli, Saliu, Iliri e Monika. Në mandatin tonë të tretë do të jetë përfundimi i këtij procesi dhe një fazë e re e shqiptarit me pronën.

Pse duhet gjithë ky proces? Ajo që e ka dëmtuar ekonominë tonë në 30 vite është fakti se, nëse nuk ke një dokument për pronën, prona nuk vlen. Një pronë të padokumentuar s?mund ta japësh me qira, ta shesësh madje as mund ta trashëgosh. Ndaj ky proces është kaq i rëndësishëm. Ndaj u desh Edi Rama në krye të qeverisë për ta përmbyllur këtë proces. Shumë pak kohë na duhet për ta përfunduar tërësisht, njësoj siç po bëjmë këtu sot në fshatin Çërragë. Ndaj dhe shqiptarët do të dinë të vlerësojnë drejt dhe s?mundet në asnjë rast t?i japin drejtimin Ilir Metës. Ne jemi seriozë për atë që marrim përsipër dhe e mbajmë fjalën?, tha Balla. CNA.al/

 

 





Lajmet e fundit nga