E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

164 gola në 5 javë, Seria A vendos rekord në kontinentin e vjetër

31 Tetor 2020, 14:51, Sport CNA

Shpesh akuzohet se Seria A është kampionati më pak spektakolar, ai i mbrojtjeve të hekurta dhe i golave të paktë, por ja tek papritur italianët kanë parë që të ndryshojnë së bashku me periudhën e pandemisë.

Pas pesë javëve të para të mbyllura, elita e futbollit në gadishullin Apenin numëron 164 gola të realizuar, një çmenduri e cila nuk shihej që prej sezonit 1950- 1951. Sigurisht që përpara 70 vitesh ishte një futboll tjetër, por papritur, Seria A është mbretëresha e golave të shënuar në total, por edhe mesataresh për ndeshje, ku realizimi shkon deri në 3.28 gola për takim, më shumë se kushdo tjetër në pesë ligat kryesore dhe më tepër se kushdo tjetër në kontinentin e vjetër.

Ky ndoshta është edhe treguesi sesi periudha ?COVID? ka bërë ndryshime drastike në futbollin e luajtur, ku sigurisht që ndikojnë jo vetëm datat e ngjeshura mes kalendarëve, por edhe mosprezenca e tifozëve është një e dhënë që pak e përmendin, por ndikon pa fund. Gjithsesi, përveç golave, të tjera fakte që bien në sy janë edhe në skuadrat kryesuese të kampionateve më të mëdha, ku për momentin, ndryshe nga sa ishim mësuar me Juventus, Liverpul, Reali i Madridit apo Barcelona, PSG, Bajern Mynih etj., aktualisht shohim të udhëheqin skuadra si Milani, Evertoni, Sociedadi, Lilë, Lajpcig etj.

Gjithsesi, nëse ky trend do të vazhdojë edhe më tej është diçka që duhet pritur dhe të shtohet, pasi jemi ende në javën e pestë apo të gjashtë dhe shumë ekipe elitare, sidomos në Itali Juventusi, janë në rindërtim e sipër, prandaj surprizat nuk kanë fund.

Gjithsesi, fakt është dhe mbetet që Seria A papritur ka lënë pas për gola të shënuar të gjitha kampionatet elitare në Europë, duke numëruar 36 gola më shumë sesa një sezon më parë dhe kjo nuk është një statistikë që mund të kalojë pa u vënë re, aq sa duket sikur Italia ka vendosur të heqë dorë nga mbrojtjet e hekurta dhe të mendojë për sulmin.