web counter
LEXO PA REKLAMA!

SHKARKO APP

App Store
Google Play

Lazio në emergjencë totale, Inzaghi “kryqëzon gishtat”

31 Tetor 2020, 11:31, Sport CNA

Simone Inzaghi pret me ankth përgjigjet e tamponëve të futbollistëve të tij, pasi kur jemi pak më tepër se 24 orë larg ndeshjes me Torinon, bardhekaltrit numërojnë një listë të gjatë futbollistësh të padisponueshëm.

Në prag të transfertës ndaj Club Brugge në Europa League, testimet e UEFA-s konfirmuan si pozitivë futbollistë si Immobile, Luis Alberto, Lazzari e Anderson, të cilët iu shtuan emrave si Strakosha, Lucas Leiva, Luiz Felipe, Armini e Cataldi.

E si të mos mjaftonin këta, në klubin e Lazios janë të dëmtuar edhe futbollistë si Radu, Luliç e Escalante, ndërsa të enjten në mbrëmje listës iu shtuan edhe Fares e Patric, ndaj skuadra është në emergjencë totale para sfidës me Torinon.

Shpresat e drejtuesve të Lazios janë që testet e UEFA-s të kenë gabuar si të rastin e Hakimit të Interit një javë më parë dhe të rikuperojnë ndonjë nga futbollistët e prekur nga koronavirusit, pasi përndryshe Inzaghi do të ketë në pankinë vetëm futbollistë nga ekipi i të rinjve.

Klubi roman e kishte mundësinë të kërkonte shtyrjen e ndeshjes me Torinon, pasi protokolli e parashikon qartë që në rast se një klub ka 10 mungesa, mund të kërkojë vetëm një herë në sezon shtyrjen e ndeshjes, megjithatë Lotito e Tare kanë vlerësuar që përballja me skuadrën ?granata? të luhet sipas kalendarit.





Lajmet e fundit nga