E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Covid-19/ Manastirliu i përgjigjet kritikave të opozitës: U zgjuan papritur pas pushimeve verore

29 Tetor 2020, 10:07, Lifestyle CNA

Ministrja e Shëndetësisë Ogerta Manastirliu ka bërë apel për respektimin e masave për parandalimin e koronavirusit.

Gjatë fjalimit të saj në foltoren e Kuvendit, i është përgjigjur kritikëve për të cilët thotë se ata u zgjuan papritur pas pushimeve verore dhe fillojnë recitojnë përditë të njëjtin tekst.

Sipas Manastirlit, me shtimin e rasteve strategjia e vjeshtë-dimrit parashikon rritje të shifrave. Ajo theksoi se po parashikohet të rriten testimin duke përfshirë edhe testin e shpejtë.

?Shqipëria ka marrë 70 pikë njësoj si Rumania, vende të Europës dhe më shumë se vendet e Ballkanit Perëndimor. Kjo nuk është shifër e manipuluar por e dhënë nga revista prestigjoze. më lejoni që shumë shkurt të ndalem te situata që po përjetojmë me pandeminë e koronavirusit. Drejtori i OBSH thoshte para disa ditësh se atje ku ka pasur përçarje politike është vënë një mungesë respekti për shkencën. E kam përsëritur thotë ai: Ndaloni përdorimin e Covid-19. Këtu pandemia po përdoret politikisht duke u bërë ping pong politik duke luajtur në tavolinat e vogla të partisë. Ne nuk kemi ndalur për asnjë moment punën shumë sfiduese. Ata u zgjuan papritur pas pushimeve verore dhe fillojnë recitojnë përditë të njëjtin tekst. Stafet tona kanë 8 muaj që rrezikojnë jetën ndërsa ata kërkojnë 4 pika nga plani me 5 pika. Këtu te ne bëhet ping pong politik. Sot bërtasin në facebook ndërsa në shkurt i bënin thirrje popullit të Kavajës të ngrihen se do ju sjellin karantinën. Nuk e dinë që çdo vendim bazohet mbi mendimin e komiteti ekspertësh. Me shtimin e rasteve strategjia e vjeshtë-dimrit parashikon rritje të shifrave. po parashikojmë të rrisim testimin duke përfshirë edhe testin e shpejtë. Testet janë 4-fishuar që nga muaji qershor. Qytetarët shqiptarë kanë nevojë për kujdes mjekësor. Do t?i qëndrojmë deri në fund se do shtojmë kapacitete spitalore duke vendosur 4 struktura në dispozicion në Tiranë dhe në rrethe do hapen spitale Covid. Duhet të shkohet në këtë luftë duke respektuar vendosjen e maskës dhe distancës. Unë e di që qytetarët presin gjithmonë diçka të re për të shpjeguar se çfarë po ndodh?, u shpreh ministrja./CNA.al