web counter
LEXO PA REKLAMA!

SHKARKO APP

App Store
Google Play

Manastirliu thirrje të fortë qytetarëve/ Ju lutem bëhuni bashkëpunues, vetëm kështu do ia dalim

28 Tetor 2020, 18:08, Lifestyle CNA

Ministrja e Shëndetësisë Ogerta Manastirliu, ka publikuar një foto të mjekëve që janë në front të parë të Covid-19 dhe ka dhënë një mesazh të fortë për qytetarët.

Manastirliu deklaron një mënyrë mirënjohje për mjekët do ishte zbatimi i rregullave që frenojnë përhapjen e Covid-19.

Ministrja thotë se qytetarët duhet të jenë bashkëpunues dhe duhet të mbajnë maskë, distancë sociale dhe higjenë.

?Një mënyrë e mençur për të shprehur mirënjohjen për sakrificën disamujore të mjekëve dhe infermierëve, që po u shërbejnë pacientëve në këto ditë të vështira kudo, në të katër anët e Shqipërisë, do të ishte zbatimi i atyre rregullave të thjeshta që frenojnë përhapjen e Covid-19.

Secili prej jush mund të bëjë kaq shumë, për të mos lejuar që të infektohet vetë dhe të infektojë të afërmit. “Shkopin magjik” nuk e ka sot askush! Vaksina ende nuk ka dalë, ndërsa kurat që përdor e gjithë bota dhe Shqipëria, shënjestrojnë simptomat dhe jo sëmundjen.

Virusi do të mposhtet një ditë dhe të gjithë ne do t?i kthehemi normalitetit. Por deri atëherë, ju lutem, bëhuni bashkëpunues me strukturat tona dhe përdorini armët e vetme që ka sot në dorë çdo njeri, kudo në botë: Maska, distancimi, higjiena. Kështu do t?ia dalim bashkë?, shkruan ajo në rrjetet sociale./ CNA.al





Lajmet e fundit nga