web counter
LEXO PA REKLAMA!

SHKARKO APP

App Store
Google Play

Vdekja e 53 vjeçarit në dyert e spitalit/ Të rinjtë e FRPD protestë para Kryeministrisë

26 Tetor 2020, 17:58, Politikë CNA

Ndarja nga jeta e 53 vjeçarit Lutfi Çekirri pasi u sorollat dyerve të spitaleve në Tiranë ka sjellë reagime të shumta.

Një grup të rinjsh të FRPD-së dhe studentë të Mjekësisë janë bashkuar mbrëmjen e sotme në një protestë homazh para kryeministrisë.

Kryetari i FRPD-së, Belind Këlliçi tha se ajo që i ndodhi 53-vjeçarit mund t?i ndodhë secilit prej nesh, pasi vëmendja e qeverisë nuk është tek njerëzit.

?Nëse nuk do ishte publikuar video-lajmi për ndarjen nga jeta të qytetarit pas sorollatjeve në spitale, stani i qeverisë do ishte i qetë sikur asgjë të mos kishte ndodhur. Jemi këtu sepse respektojmë jetën, sepse mendojmë që ajo që i ndodhi Lutfiut mund të na ndodhë secili prej nesh. Pse ndodhi? Është çështje prioritetesh kjo punë. Kjo qeveri nuk e ka fare vëmendjen te ne.

Shpresojmë që ajo që i ndodhi Lutfiut nuk i ndodh Ramës, Ogertës se këta i hipin charterave e shkojnë në spitalet më të shtrenjta, kurse shëndetësinë e tyre falas na e lënë neve, qytetarëve të thjeshtë. Ne jemi 40 të rinj që ndezim qiri për një jetë të humbur që mund të ishte shpëtuar dhe rrethohemi me polici sikur kushedi çfarë po ndodh?,u shpreh Këlliçi.

Lutfi Çekirri humbi jetën 2 ditë më parë në Qendrën Spitalore Nënë Tereza, pasi denoncoi edhe mungesën e vëmendjes nga bluzat e bardha./CNA.al





Lajmet e fundit nga