E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skënder Brataj këshillon qytetarët/ Kur duhen përdorur medikamentet

26 Tetor 2020, 20:02, Lifestyle CNA

Kreu i Urgjencës Kombëtare, Skënder Brataj, ka folur për pandeminë e Covid-19, ku në Shqipëri gjatë javës së fundit ka pasur një rritje të numrit të të infektuarve. Gjatë një interviste me gazetaren, Ilva Tare, në Euronews Albania, z. Brataj tha se janë shtuar telefonatat e qytetarëve, të cilët vijojnë të kërkojnë ndihmë për shkak të infektimeve me coronavirus.

?Gjendja është e ngarkuar. Por, për fatin e mirë kemi rritje të numrit të thirrjeve, por jo në ato shifra si dikur. Në ditën e sotme kemi pasur 2000 thirrje. Kjo tregon atë se çfarë ndodhi para katër javësh me hapjen e shkollave dhe këto janë faktorë, që çojnë në shtim të infeksioneve. Në këtë moment akoma virozat e stinës nuk janë shfaqur, janë këto ftohjet e fytit, por dominon gjendja e Covid-19?, u shpreh doktori.

I pyetur se a rrezikon Shqipëria të shkojë drejt një rimbyllje për shkak të shtimit të rasteve me Covid-19, doktor Brataj tha se për këtë ndikojnë shumë faktorë, por paraprakisht e përjashtoi një skenar të tillë.

?Në këtë moment jo, por nëse rritjet e rasteve vijonë do të këtë shtrëngim masash. Ne duhet të insistojmë në respektimin e masave që janë vënë. Plani i ezurimit të burimeve njerëzore dhe shtretërve, janë indikatorë që çojnë drejt kësaj mase?, tha ai.

Kreu i Urgjencës Kombëtare u shpreh se qytetarët nuk duhet të përdorin medikamente mjekësore që në javën e parë të infektimit.

?Të gjithë anti-viralet nuk kanë luajtur rol të rëndësishëm. Nuk ka protokoll të mirëfilltë në të gjithë botën, ka klasë medikamentesh të klasifikuar sipas stadit dhe fazës së sëmundjes. Në javën e parë, pacienti ka temperaturë, ka dhimbje kockash, humbje shijesh, por në këtë periudhë nuk ka pse t?i marrë medikamentet. Ajo që duhet bërë është kontrolli në javën e dytë. Analizat duhen bërë në javën e dytë. Mjekët sigurisht që ua kërkojnë. Në Shqipëri nuk po bëhet asnjë terapi ndryshe nga ajo që po bëjnë vendet e tjera?, tha ai.