web counter
LEXO PA REKLAMA!

SHKARKO APP

App Store
Google Play

Bilanci nga Covid-19/ Qindra të infektuar dhe tre humbje jete

26 Tetor 2020, 15:20, Lifestyle CNA

Në vendin tonë janë konfirmuar 288 raste të reja dhe tre humbje jete.

Ministria e Shëndetësisë bën me dije se janë kryer 1304 testime ditore, ndërsa që nga dita e djeshme janë shëruar 51 persona.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 50 vjeçar nga Lezha, një 56 vjeçare nga Tirana, një 88 vjeçar nga Tropoja. Ministria e Shëndetësisë dhe Mbrojtjes Sociale u shpreh ngushëllimet familjarëve.

Ndërkohë, në spitale janë të shtruar 280 të infektuar. Që nga fillimi i pandemisë janë konfirmuar pozitivë 19,445 persona, nga të cilët janë shëruar 10,705 të infektuar dhe kanë humbur jetën 480 të tjerë.

Ministria e Shëndetësisë dhe Mbrojtjes Sociale ju bën apel qytetarëve të mos neglizhojnë asnjë prej masave që autoritetet shëndetësore ju rekomandojnë. Evitoni grumbullimet e çdo lloji.

Mbani masken në menyrë korrekte duke mbuluar hundën, gojën dhe mjekrën në ambientet e mbyllura dhe të hapura, respektoni distancimin fizik dhe higjienën personale. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.

Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

Statistika nga Covid-19:

Raste të reja ditore 288

Të shëruar ne 24 orë 51

Të shtruar në spitale 280

Humbje jete në 24 orë 3

Testime ditore 1304

Raste pozitive 19,445

Raste të shëruara 10,705

Raste Aktive 8260

Humbje jete 480./ CNA.al





Lajmet e fundit nga