web counter
LEXO PA REKLAMA!

SHKARKO APP

App Store
Google Play

“Veproni sa nuk është vonë”/ Basha thirrje SPAK: Mos mbroni ata që vjedhin bukën e vogëlushëve

22 Tetor 2020, 10:38, Politikë CNA

Kreu i Partisë Demokratike gjatë deklaratës së tij për skandalin e inceneratorëve, I ka bërë thirrje Prokurorisë së Posaçme SPAK të mos mbrojë, por të vërë para drejtësisë ata persona që vjedhin bukën e gojës vogëlushëve shqiptarë.

Basha tha se për shkak të mosveprimit të SPAK, vendi po zhytet më shumë në padrejtësi dhe për këtë vitin e ardhshëm nuk do të ketë më paketë ekonomike dhe askush nuk do të marrë ndihmë.

?Mos mbroni por vini para drejtësisë personat që vjedhin bukën e gojës së vogëlushëve.

Për shkak të mosveprimit tuaj, edhe vitin e ardhshëm nuk do të ketë paketë ekonomike, nuk do të ketë ndihmë. Nuk mbahet shtëpia me një muaj punë. Veproni sa nuk është vonë.

Do të keni mbështetjen e plotë të publikut shqiptar. Do të keni mbështetjen time, bëni detyrën tuaj, sytë janë nga ju.

E vërteta është ulur këmbëkryq mes nesh. Ka zero shanse që kryeministru të mos jetë i përfshirë në këtë aferë. Ka zero shanse që një prokuror i ndershëm të mos nisë një hetim?, i është drejtuar Basha SPAK. /CNA.al





Lajmet e fundit nga