Kuvendi ndalon studimin e krimeve të Miladin Popoviçit dhe Dushan Mugoshës

22 Tetor 2020, 10:40, Politikë CNA

Nga Kastriot Dervishi

Tani, Kuvendi i Shqipërisë sapo mbylli diskutimet dhe në vijim do të votojë t?i ndalojë Institutit të Studimit të Krimeve dhe Pasoja dhe Komunizmit, studimin e periudhës së luftës civile, pra kohës kur jugosllavët Miladin Popoviç dhe Dushan Mugosha drejtonin masakrat mbi popullsinë shqiptare jokomuniste.

Imagjino tani sa të dashuruar janë me krimet e shokëve Miladin e Dushan, udhëheqësit dhe drejtuesit e asaj që këta e quajnë ?luftë nacionalçlirimtare?. Është interesante të dëgjosh disa deputetë, dukshëm të indoktrinuar me enverizëm, injorantë klasikë në fushën e historisë apo pasardhës kriminelësh, teksa flasin me të njëjtën gjuhë si ajo e dëgjuar rëndom në regjimin komunist me parulla të llojit ?u thanë kënetat?, ?u ndërtuan fabrika?, etj.

?Historia është shkruar me tytën e pushkës?-deklaroi një deputet për historinë e viteve 1943-1944, duke kujtuar se me këtë slogan do mund të ndalojë hedhjen dritë mbi krimet e ndodhura në atë kohë. Por në fakt, po të jetë kështu edhe ajo pas vitit 1944 është shkruar me grykën e pushkës. Përllogariten që gjatë viteve 1943-1944, janë vrarë, masakruar, djegur, vjedhur, etj, rreth 2 mijë shqiptarë.

Ndërkohë sipas nenit 7 të ligjin nr.7719, datë 8.6.1993, ?Për ndryshime në ligjin nr.7514 datë 30.9.1991 ?për pafajësinë, amnistinë dhe rehabilitimin e ish të dënuarve politikë?, njihet ?vrasja në përpjekje me forcat komuniste pas datës 1.8.1943?.

Pra, do kemi dy ligje në fuqi. Njëri që i njeh krimet e komunistëve të viteve 1943-1944 dhe ky i sotmi që nuk do të lejojë studimin e këtyre krimeve nga ISKK. Pra për qëllime statusi të përndjekuri, vrasja njihet, ndërsa për studim nuk lejohet.

Po vërtet kujtoni se nuk do t?i nxjerrim zinë këtyre krimeve? Informacionin e kemi në dorë prej vitesh. Vazhdoni bëni ligje për të kënaqur persekutorët e komunizmit që hiqen si ?veteranë?, se për t?ia dalë keni. Mos hiqni dorë nga shokët Miladin e Dushan, sepse janë pjesë e identitetit tuaj. Keni ngelur vetëm pa iu vënë monumente këtyre të dyve, se nuk u keni lënë gjë pa i respektuar.