web counter
LEXO PA REKLAMA!

SHKARKO APP

App Store
Google Play

E fundit!

x

Afera korruptive e inceneratorëve/ Berisha tregon kush po hetohet nga SPAK

22 Tetor 2020, 19:01, Politikë CNA

Ish kryeministri Sali Berisha ka folur lidhur me aferën korruptive të inceneratorëve e denoncuar prej muajsh nga CNA.al.

Berisha shprehet se nuk ka besim tek asnjë institucion për të hetuar këtë çështje pasi sipas tij këto institucione janë ngritur në mospërputhje me Kushtetutën.

Sipas Berishës hetimi për këtë çështje ka filluar me kohë por po hetohen individë të dorës së tretë apo të katërt në këtë aferë.

?Unë kam informacione sipas të cilave SPAK është ngritur individ për individ me kushtin që të mos guxojë të hetojë eksponetë të qeverisë apo PS gjë të cilën e ka faktuar në mënyrë perfekte.
Pra pas një seri padish të bëra nga PD dhe jo vetëm PD por edhe të tjerë para kësaj vale por ky hetim nuk ka filluar sot dhe ky vendim nuk është i sotëm. Ky hetim ka filluar përpara dhe në këtë hetim po hetohen individë të dorës së tretë apo të katërt në këtë aferë. Në një kohë kur firmat e peshqve të mëdhenj janë e zezë mbi të bardhë mbi aktetet më të mëdha të korrupsionit në këto 30 vite dhe që kanë një peshë të tmerrshme mbi qytetartë shqiptarë në kuptimin që sot shqiptarët u paguajnë ktyre mumuthëve të pagopur me ne krye Ramen, Ahmetajn, Erion Veliajn, Lefter Koka, Arben Malavitës u paguajnë për një ton pleh 6 herë më shumë se ç’ paguajnë taksapaguesit gjermanë për përpunimin e një toni pleh. Në këtë megavjedhje hyn dhe falsifikimi i faturave ku shqiptarët konsumojnë të paktën dy herë më pak mallra konsumi sesa gjermanët apo italianët por sipas aferës së pehrave këta qytetarë, më të varfit në Europë prodhojnë tre katër herë më shumë pleh se kombet e tjera kjo sepse fatura fryhet me qëllim që për çdo ton pleh?, u shpreh Berisha./CNA.al





Lajmet e fundit nga