E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Daja: Partizani është për titull

21 Tetor 2020, 08:38, Sport CNA

Trajneri i Partizanit, Ilir Daja, ka mbushur dje 54 vjeç, por si asnjëherë tjetër në krye të një klubi ai nuk e ka festuar datëlindjen në fazë përgatitore. Në intervistën që dha dje për ?Panorama Sport? Daja shprehu edhe dëshirën e tij sa i përket dhuratës që pret nga futbollistët e kuq. Si trajner datëlindjen më të paharrueshme e ka përjetuar në krye të Skënderbeut, që i përkoi me ndeshjen e ndaj Partizanit të Beogradit në Ligën e Europës.

Ilir Daja e pranon se shtyrja i ka vlejtur, por tani stërvitjet po kthehen në rutinë dhe pret që lojtarët ta tregojnë veten në ndeshje zyrtare, që është kufiri maksimal për përgatitjen e një skuadre. Daja shikon rritje në ekip gjatë kësaj kohe, por sipas tij do ia dalin vetëm duke sakrifikuar në fazën mbrojtëse. Sa i përket titullit, ndonëse nuk kanë bërë merkato, trajneri e pranon se Partizani e ka objektivin madhor, ndaj edhe kështu i shkon përshtat shprehja: Kurrë mos thuaj kurrë!

Shtyrja ju ka dhënë kohën e duhur për të bërë eksperimentet si një ekip pa merkato. A e keni tashmë gati strategjinë për Partizanin?

Në planin psikologjik është që të gjithë do sakrifikojnë. Arsyeja është jo se nuk kemi kontingjent, pasi në grup kemi cilësi, por kemi numër të reduktuar lojtarësh në mbrojtje. Ndaj, sakrificën e përbën fakti se do të punojmë shumë më fort në fazën mbrojtëse edhe me filtrat. Do të punojmë dhe sakrifikojmë edhe me ndonjë lojtar, sepse kampionati do të jetë i gjatë dhe që do të shoqërohet edhe me kartonë dhe shpresojmë që të kemi sa më pak dëmtime, por që janë prezentë në çdo kampionat. Në të gjitha këto do të sakrifikojmë me lojtarë që do të dalin nga pozicioni i tyre natyral.

A keni ndryshuar mendim sa i përket titullit pas dy muajsh stërvitje?

Në momentin që pranova të drejtoj Partizanin, sigurisht dihet objektivi. Po erdhe te Partizani ke objektiv madhor. Kjo nuk do të thotë se kemi hequr dorë, por për shkak të bllokimit të merkatos do të na bëhet më e vështirë. Gjithsesi, kurrë mos thuaj kurrë.

Zakonisht ditëlindja të ka gjetur në aktivitet dhe shpesh kërkohej fitorja si dhuratë për ditëlindjen e trajnerit. Në këtë situatë pa aktivitet, cila është dhurata që Daja pret nga futbollistët?

Pres nga lojtarët që procesi stërvitor, në çdo seancë, t?i afrohet ritmit të ndeshjeve. Them kështu sepse po realizuam këtë kemi bërë diçka të madhe. Sot (dje) keni 54-vjetorin e lindjes.

Si trajner, me cilën skuadër keni përjetuar ditëlindjen më të veçantë?

Ditëlindjet janë të veçantë, por më të veçanta janë fitimet e trofeve. Më mirë nga të gjitha herët e tjera, e kam festuar te Skënderbeu, kur ishim në grupet e Ligës së Europës. Ka qenë fiks pas ndeshjes me Partizanin e Beogradit, pas asaj loje të shkëlqyer.