E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Akti i Bashës që duhet duartrokitur/ Një betejë e fituar për median e lirë dhe opozitën

19 Tetor 2020, 11:09, Politikë CNA

Pas gati gjashtë vitesh nga firmosja e PPP-ve të inceneratorëve, Partia Demokratike, ka çuar në SPAK dosjen e plotë. Një proces që filloi me një incenerator në Elbasan për vetëm 22 milionë euro. Më pas u shtua Fieri me 28 të tjera, dhe së fundi ?qershia mbi tortë?, Tirana me 128 milionë euro.

Ndërkohë që inceneratori i Tiranës dhe i Fierit nuk ekzistojnë. Në Tiranë janë shtuar së tepërmi kostot që i faturohen biznesit, por edhe ato që firmos qeveria, të cilat vinë nga taksat e shqiptarëve.

CNA.al ka qënë një nga mediat që për gati gjashtë muaj çdo ditë ka zbuluar fakte dhe dokumente të reja në lidhje me inceneratorët, nga firmat e Stela Gugallës në Elbasan, tek kompanitë e Mirel Mërtirit, ku bashkëjetuesja e tij ishte bashkaksionere me një shtetas italian. Tek inceneratori i Fierit ku lidheshin disa kompani e deri tek Tirana, ku me dokumente ekskluzive kemi zbuluar sesi italiani ortak i Mirel Mërtirit, Ernesto Granelli ishte drejtor i kompanisë Integreted Energy BV, së bashku me Klodian Zoton.

Një zyrë kompanish guackë në Hollandë, dalin zbuluar nga dokumentat e CNA.al dhe faktet, se të tre inceneratorët me një vlerë faturash paraprake 178 milionë euro janë të lidhur me njëri-tjetrin.

Pra, thuajse kalojnë në të njëjtën dorë. (Lexo këtu)

Gjithësesi pas gati dy javësh denoncime të njëpasnjëshme dhe shumë denoncimesh të mëparshme sporadike, PD sot ka dorëzuar në SPAK dosjen e plotë të inceneratorëve. Atë të Elbasanit, Fierit dhe Tiranës. Dhe jo vetëm për shkak të shkeljes së barazisë në tendera, por ka drejtuar gishtin për një grup të strukturuar kriminal.

Dhe ashtu si CNA.al e ka thënë më parë, dhe ia ka kërkuar publikisht kryetarit të PD-së, sot akti është kryer.

Pra, edhe për ne si media dhe të gjitha ato media që kanë denoncuar dhe nuk kanë heshtur për skandalin e inceneraratorëve, kjo është një betejë e fituar.

Një betejë e fituar për lirinë e medias, për ata që nuk heshtën. Një betejë e fituar për lirinë e medias edhe me ata që u blenë. Një betejë e fituar edhe për opozitën, e cila tashmë pas më shumë se gjashtë vitesh ka aktin e parë. Që fillon një betejë dhe e çon atë deri në hapin e fundit ligjor, dhe mesa duket do ta mbajë gjatë, deri në fund. Derisa SPAK të bëjë të ditur emrat e personave që do të akuzohen për këtë çështje.

Nga ana tjetër ky është një akt për t?u lavdëruar i opozitës dhe është për ta duartrokitur Lulzim Bashën, për të mos pasur asnjë kompleks ndaj tij. Pavarësisht kush është Lulzim Basha, pavarësisht se cili është mendimi jonë për të, sot ai ka bërë një akt të lavdërueshëm./ CNA.al

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Skandali/ Qeveria 50 milion euro kompanive pa asnjë lek

?Mori 750 milionë lekë, pa pasur asnjë punonjës?/ Thellohet skandali i inceneratorit të Fierit, gazetarja zbardh detajet

Skema korruptive e koncesionit të inceneratorit të Elbasanit/ Si u gllabëruan miliona euro

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Shënim/ Disa pyetje për bashkinë e Elbasanit që nuk ka marrë ende çelsat e inceneratorit

Skandali me Inceneratorin e Fierit/ Skema mafioze, 23 milionë euro për vetëm një gërmadhe

Skandali me inceneratorin e Fierit/ Qeveria pagoi 22.6 miliardë lekë, ende pa u ndërtuar