web counter
LEXO PA REKLAMA!

SHKARKO APP

App Store
Google Play

E fundit!

x

"Vrasje, trafik droge, grup kriminal, shfrytëzim prostitucioni"/ OLF në shenjestër shtatë të “fortët” e radhës

16 Tetor 2020, 11:18, Kronika CNA

Operacioni Forca e Ligjit iu ka dërguar formularët e vetëdeklarimit të pasurisë shtatë shtetasve., të dënuar për vepra të rënda penale.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL bën të ditur se i ka nisur kërkesat me shkrim për vetëdeklarimin e burimeve të pasurisë, shtetasve:

F. B., banues në Fier, i dënuar për veprën penale ?Vrasja me paramendim?, e kryer në bashkëpunim;

N. A. (B.), banues në Fier, i dënuar për veprën penale ?Vrasja me paramendim?, e kryer në bashkëpunim;

D. K. alias D. S., banues në Lushnjë, i dënuar për veprat penale ?Trafikimi i narkotikëve?, kryer në bashkëpunim, i mbetur në tentativë dhe ?Prodhimi dhe shitja e narkotikëve?, kryer në bashkëpunim;

M. H., banues në Fier, i dënuar në Itali për veprat penale ?Organizata kriminale? dhe ?Trafikimi i narkotikëve?;

Sh. L., banues në Tiranë, i dënuar për veprën penale ?Vrasja e punonjësve të Policisë së Shtetit?;

A. D., banues në Elbasan, i dënuar për veprën penale ?Trafikimi i narkotikëve?;

M. S., banues në Berat, i dënuar në Itali për veprat penale ?Organizata kriminale? dhe ?Shfrytëzimi i prostitucionit?.

Këta individë, si subjekt i Ligjit Special, duhet t?u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t?i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.





Lajmet e fundit nga