web counter
LEXO PA REKLAMA!

SHKARKO APP

E fundit!

x

Atentati ndaj shefit të policisë bashkiake/ Vetëdorëzohet autori 19-vjeçar

15 Tetor 2020, 17:22, Kronika CNA

Ditën e sotme është dorëzuar në polici Ilirjan Hasanaj, i riu që qëlloi me armë drejtorin e Policisë Bashkiake të Malësisë së Madhe Mentor Hasanaj, teksa ky i fundit ishte duke udhëtuar në makinë me djalin dhe bashkëshorten e tij.

Autori 19-vjeçar është dorëzuar te blutë pas negociatave me të atin, i cili është ish-efektiv policie.

Raportohet se ndonëse atentatori dhe shënjestra e atentatit kanë të njëjtin mbiemër, nuk kanë lidhje farefisnore.

Autori 19-vjeçar që jeton në Shkodër është identifikuar nga policia sepse pasi qëlloi me armë, ai la 500 metra larg vendngjarjes motorrin e vjedhur, rrobat dhe një celular.

Nga informacionet paraprake, dyshohet se Ilirjan Hasanaj është përdorur si vrasës me pagesë, pasi nuk ka precedentë penalë të mëparshëm.

Gjithashtu është sekuestruar edhe motori tip ?Papaq? me të cilin autori ndoqi makinën ku shefi i bluve po udhëtonte bashkë me atin Xhelal Hasanaj dhe Vjollca Hasanaj.

Kujtojmë se nga atentati mbetën të plagosur rëndë Mentor Hasanaj i cili u soll në Tiranë për një ndihmë më të specializuar mjekësore dhe babai i tij Xhelal Hasanaj ndërsa e shoqja e tij i shpëtoi plumbave./ CNA.al





Lajmet e fundit nga