E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Skandali i Alban Toros/ KLGJ akuza Kuvendit

14 Tetor 2020, 12:19, Politikë CNA

Rreth dy javë më parë, CNA.al, raportoi dhe hodhi dritë mbi skandalin e përzgjedhjes të Alban Toros si anëtar i KLGJ-së.

Sipas investigimit të kryer nga CNA.al, janë të gjitha dyshimet se Alban Toro, është zgjedhur kundërligjshëm anëtar i KLGJ-së, duke falsifikuar të dhënat, që kanë të bëjnë me ushtrimin e profesionit si avokat 10 vite pa ndërprerje, ashtu sic është përcaktuar nga neni 147 i Kushtetutës dhe Ligji 115/2016. (Lexo këtu)

Por denoncimit mediatik nuk i kanë shkuar nga pas institucionet e reja të drejtësisë, të cilat janë përgjegjëse për të bërë verifikimin e të gjitha fakteve dhe denoncimeve të publikuara nga CNA.al.

Pas publikimit të skandalit nga ana jonë, Këshilli i Lartë Gjyqësor, heshti.

Për këtë CNA.al në datën 28.09.2020, i është drejtuar me një shkresë zyrtare, ku kërkuam informacion sesi do të procedohet me rastin në fjalë.

Në përgjigjen e mbërritur në redaksinë e CNA.al, nga KLGJ-ja, thuhet se është Kuvendi institucioni përgjegjës për procedurën e verifikimit të dokumentacionit.

?Z. Alban Toro, është zgjedhur anëtar i Këshillit të Lartë Gjyqësor, nga radhët e avokatëve, me vendimin Nr. 18, datë 08.02.2020, të Kuvendit të Republikës së Shqipërisë. Sjellim në vëmendjen tuaj, se Kuvendi i Republikës së Shqipërisë ka verifikuar kushtet dhe kriteret që kërkohen nga legjislacioni në fuqi, për emërimin e anëtarëve të Këshillit të Lartë Gjyqësor.?-thuhet në përgjigjen e KLGJ-së.

Të tre institucionet, Këshilli i Lartë Gjyqësor, Kuvendi i Shqipërisë dhe Inspektori i Lartë i Drejtësisë, kanë heshtur dhe nuk kanë reaguar pas publikimit të këtij skandali. Por, kanë tentuar që ta kalojnë me mënyrën e zakonshme me të cilën janë mësuar institucionet shqiptare se ?çudia më e madhe tre ditë zgjat?.

CNA.al për të mos lejuar që të ndodhë sërish kjo, edhe me institucionet e drejtësisë së re, pas KLGJ-së dhe justifikimit të këtij institucioni dhe akuzave që hedh ndaj Kuvendit, si institucion përgjegjës, ne i jemi drejtuar kreut të ILD-së, Artur Metanit dhe kreut të Kuvendit, Gramoz Ruçi dhe Sekretarit të Përgjithshëm të këtij institucioni Genc Gjonçaj për të na vënë në dispozicion dosjen e plotë dhe dokumentacionin në përputhje me ligjin.

Gjithashtu Zotit Metani i është kërkuar për të kryer hetimin disiplinor për të nxjerrë rë vërtetën në dritë, për KLGJ-në. Një institucion i drejtësisë së re, ku fshihen avokatë, jurist, gjyqtarë, të cilët dyshohet se kanë gënjyer për dokumentacionin e plotësuar përpara institucioneve shqiptare./ CNA.al

Skandali i mashtrimit me të dhënat/ KLGJ duhet të shkarkojë Alban Toron

Skandal në KLGJ/ Si u emërua Alban Toro me të dhëna false

10 000 euro dhuratë për anëtarin e KLGJ-së/ Patundshmëritë e Alban Toros nga Tirana në Vlorë