De Biazi i surprizon të gjithë, ja si përgjigjet kur e pyesin për rikthimin te Kombëtarja shqiptare

12 Tetor 2020, 09:13, Sport CNA

Xhani De Biazi është kthyer në Shqipëri. Azerbajxhani i tij do të zbresë në ?Elbasan Arena? pas dy ditësh për tu ndeshur me kombëtaren e Qipros. Lufta mes shtetit azer dhe Armenisë për rajonin e Nagorno-Karabak ka bërë që ndeshja të luhet në fushë neutrale dhe De Biazi zgjodhi Shqipërinë.

Mbrëmjen e sotme tekniku italian, i cili është padyshim më i suksesshmi në historinë tonë, ka folur për ?Supersport? në lidhje me kombëtaren tonë, një rikthim të mundshëm dhe objektivat e tij me Azerbajxhanin.

NDESHJA NDAJ KAZAKISTANIT- ?Shqipëria ka një skuadër të mirë, eksperte në mbrojtje dhe me lojtarë të mirë në mesfushë dhe sulm. Me pak fat, mund të merrte fitoren?.

KA NISUR RINOVIMI- ?Është një skuadër shumë e re, me të ardhme, ka mundësi të bëjë mirë dhe të rritet. Ka lojtarë që po rriten e po marrin përvojë jashtë. Kumbulla luan më Romën, Gjimshiti me Atalantën në Champions. Është përvojë shumë e rëndësishme. Strakosha dhe Berisha janë portierë me eksperiencë?.

SKEMA 3-5-2- ?Besoj se Reja ka moshë dhe përvojë për zgjidhjen më të mirë. Nuk mendoj se ka shumë rëndësi një sistem loje, mjafton të dish të aktivizosh lojtarët dhe të arrish që ata të shkruajnë një pjesë të historisë në kombëtare?.

GODITJET STANDARTE- ?Kemi pasur lojtarë të tjerë. Skuadra të ndryshme kanë mënyra të ndryshme për interpretimin e ndeshjes. E rëndësishme është të marrin rezultatin dhe më pas të shohim si do të jetë e ardhmja?.

PËRMIRËSIME NGA REJA- ?Mendoj që është skuadër e bukur e që mund të japë kënaqësi. Duhet të jetë më konkrete dhe të marrë rezultate. Reja do të punojë nga kjo pikëpamje. Janë të rëndësishme edhe ndeshjet e ardhshme për të parë përpara?.

SHQIPËRIA- ?Në mbrojtje është shumë e mirë. Gjimshiti dhe Kumbulla janë shumë cilësore. Nga krahët ka lojtarë që shtyjnë, nuk është lehtë. Para, nëse Manaj është mirë edhe ndonjë lojtar i kohës sime, do të ishte në nivel të lartë?.

RIKTHIM NË ?ELBASAN ARENA?- ?Nuk e kam zgjedhur unë Shqipërinë për të luajtur, por federata, sepse kishte probleme ?Air Albania?. Më kërkuan se ku do të luaja në Ballkan, thashë në Shqipëri. Kur FSHF dha ?ok?-in,u gëzova?.

MALLI PËR SHQIPËRINË- ?Edhe unë kam afeksion për ju. Më mungon raporti me njerëzit, me tifozët. Këto janë gjëra që kanë pak sens nga ana emotive, sepse po luajmë pa tifozë. Por janë ndeshje që kanë rëndësi për pikët dhe për renditjen. Më mungon kuzhina shqiptare dhe fakti që jam pak larg shtëpisë?.

DIFERENCAT MES DY VENDEVE- ?Më kanë pyetur edhe në Azerbajxhan. Janë fushat, struktura? lojtarët atje luajnë shumë pak jashtë për të fituar përvojë. Ka lojtarë të Karabagut që marrin përvojë në Kupat e Europës. Të Shqipëria ishte ndryshe?.

NDESHJA MË E MIRË ME SHQIPËRINË- ?Sipas meje, kemi luajtur shumë, por, sa i përket cilësisë, është miqësorja në Renne, ndaj Francës, ku kemi barazuar me Mavrajn. Në Europian ata patën frikë ndaj nesh, kishim fituar edhe në Elbasan në miqësore?.

OBJEKTIVI- ?Ishte të fitonim vendin e parë në grup, por nuk e patëm mundësinë për të punuar, lojtarët i pashë shumë pak. Kemi humbur me Luksemburgun sepse luajtëm 10 kundër 11. Do të punojmë për të ardhmen, kemi tri ndeshje dhe do të tentojmë t?i fitojmë të gjitha?.

LUFTA- ?Nuk është situatë e lehtë në realitetin ku jetoj unë. Sa hap televizorin, lajmi i parë është lufta, për krahinën Nagorno-Karabagh?.

RIKTHIM TE SHQIPËRIA- ?Kurrë mos thuaj kurrë. Kemi kaluar për 5 vite e gjysmë bashkë, ku i dihet, në të ardhmen ? Nuk varet vetëm nga unë, për momentin jeni në duar të sigurta?.