E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Rebelohet” Meta/ Presidenti thirrje qytetarëve: Të rrëzojmë së bashku pengesën për të ardhmen europiane

10 Tetor 2020, 15:19, Politikë CNA

Në kuadër të vlerësimit të 100-vjetorit të Luftës së paharruar dhe të lavdishme të Koplikut, presidenti Ilir Meta vlerësoi Ushtarakun e madh Lucë Nish Dedvukaj, Kryetrimin Zef Prel Martini, Dëshmorin e Kombit Selman Bajram Ramçaj si dhe Komandantin e forcave vullnetare të Malësisë së Madhe, kapedanin Deli Meta.

Meta falënderoi studiuesit e historianët e kësaj lufte për ndihmën në përzgjedhjen e tyre, si dhe i ftoi në bashkëpunime të mëtejshme për ndriçimin e historisë dhe figurave të tjera të shquara të kombit tonë.

Kreu i Shtetit bën një thirje të fortë për qytetart, të cilëve i thotë se këta heronj mund t?i ndihmojmë vetëm duke mos lejuar shtypjen nga padrejtësia, varfërinë dhe dhunën shtetërore.

Presidenti deklaron se të gjithë së bashku mund të rrëzojnë çdo pengesë për të ardhmen europiane të Shqipërisë.

?Nderimi më i madh që mund t?u bëjmë Heronjve dhe Dëshmorëve të Atdheut është të mbajmë lart aspiratën për një Shqipëri të lirë dhe demokratike, të dashur për të jetuar dhe ku fëmijët e të rinjtë të ndërtojnë të sigurtë të ardhme europiane në këto troje, ku është derdhur aq shumë gjak e janë kryer aq shumë sakrifica nga të parët tanë.

Të mos lejojmë të shtypemi nga padrejtësia shoqërore, apo të vuajmë nga varfëria e pamerituar, nga dhuna shtetërore apo dhe nga papërgjegjshmëria e individëve që abuzojnë me pushtetin.

Sot jemi në një betejë për standarde europiane zgjedhjesh të lira, për liri mendimi e shprehje dhe për një ekonomi konkurruese e më përfshirëse që garanton mirëqenien e të gjithë shqiptarëve.

Vetëm demokracia dhe sovraniteti i popullit janë garancia për mbrojtjen e përhershme të sovranitetit të Atdheut dhe të interesave kombëtare.

Le të jetë shembulli i qëndresës së Kryengritjes së Koplikut një burim frymëzimi për shoqërinë e sotme e sidomos për të rinjtë për t?u përballur me sfidat e kohës. Të punojmë së bashku që të rrëzojmë çdo pengesë për të ardhmen europiane të Shqipërisë!?, shkruan Meta në rrjetet sociale./ CNA.al