web counter
LEXO PA REKLAMA!

SHKARKO APP

App Store
Google Play

E fundit!

x

U skualifikua nga demokratët e Pogradecit/ Banorët e Unazës “vajtojnë” për çunin e Fahri Balliut

10 Tetor 2020, 14:38, Politikë CNA

Qarku i Korçës i ka dhënë një leksion të fortë Lulzim Bashës, ditën e mërkurë, kur u bë votimi për kandidatët për deputetë të PD-së, që do të garojnë në zgjedhjet e ardshme parlamentare.

Skualifikimi i Klevis Balliut në Pogradec nga gara si kandidat i PD për deputet ishte e papritur për disa por e ditur për demokratët e Pogradecit.

CNA.al ka raportuar se Balliu mund të rikthehet në listën e LSI-së, ndërsa ka zbuluar edhe përpjekjet e Fahri Balliut që Basha ta kandidojë sërish në Tiranë.

Një ditë pasi u publikua lista e kandidatëve të PD për Tiranën, banorët e Unazës së Re kanë filluar të vajtojnë nëpër rrjetet sociale.

Ata kanë publikuar një video, ku kërkojnë që Balliu të vihet si kandidat për zonën e Unazës së Re. Normalisht ky ishte një hap i pritur, pas drekave e darkave që kanë ngrënë banorët e Unazës në kohën e protestave.

Pasi protestonin për një orë para kamerave, shpeshherë mediat zbuluan darkat me alkool dhe nën tingujt e muzikës të Balliut, që u kthye ?në simbol të protesës? dhe banorëve të Unazës.

Të dëshpëruar ata i kërkojnë Bashës që çuni i Fahri Balliut të rikthehet mes tyre, për të vazhduar drekat dhe darkat që lanë përgjysmë disa muaj më parë.

Ata deklarojnë se e respektojnë Flamur Nokën që është vendosur kandidat për zonën e Unazës së Re, por theksojnë se preferojnë që në vend të tij të vihet Klevis Balliu.

Por pavarësisht thirrjeve, Luli po reziston akoma, tashmë pritet sulmi i Fahriut./ CNA.al





Lajmet e fundit nga