E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

12 format e zakonshme të hundës/ Zbuloni llojin tuaj

10 Tetor 2020, 14:43, Kuriozitete CNA

Zwivel, një platformë online që ofron këshilla kirurgjikale dhe kozmetike, ka përpiluar një listë me 12 format më të zakonshme të hundës, duke u këshilluar edhe me kirurgë plastikë.

1-Hunda mishtake: Deri tani, forma më e zakonshme e hundës është hunda mishtake, që përbën afro 24% të hundëve. Ndodh që cilësohet edhe ?hunda e Einstein?.

2- Hunda e kthyer lart: Hunda e kthyer lart, a.k.a hunda qiellore, është saktësisht ajo që ju prisni të jetë, një hundë relativisht e vogël me majë sipër.

3-Hunda romake: E ngjashme me hundën greke, hunda romake është quajtur kështu sepse i ngjan hundëve që gjenden në fytyrat e shumë skulpturave antike romake. Kjo formë hunde dallon për faktin që kurba e pjerrët del dukshëm nga fytyra.

4- Hunda me gunga: E pranishme te afro 9% e njerëzve, hunda me gunga është një tjetër formë e zakonshme e hundës.

5- Hunda e hollë: Ndonjëherë njihet si Mirren, duke iu referuar hundës së Helen Mirren. Kjo formë përmban një siluetë më të vogël, pak fare të rrumbullakët dhe pjerrësi delikate në majë.

6- Hunda skifter: Dallon për formën e lakuar dhe e merr emrin sepse i ngjan sqepit të skifterit. Është hundë që karakterizon njerëzit me profil të fortë.

7- Hunda greke: Ky lloj hunde përcaktohet nga ura e saj jashtëzakonisht e drejtë, e cila përgjithësisht nuk ka asnjë gungë ose kthesë dhe e ka marrë emrin nga hundët krejtësisht të drejta në skulpturat shekullore të perëndive greke.

8- Hunda nubiane: Hunda nubiane, e quajtur gjithashtu si hunda e gjerë, gjendet më së shpeshti te njerëzit me origjinë afrikane.

9- Hunda e Azisë Lindore: Kjo formë e hundës dallohet nga forma e saj e hollë, e sheshtë me një majë më të shkurtër, është një nga format më të zakonshme të hundës midis njerëzve që vijnë nga rajone të Azisë Lindore.

10-Hunda Nixon: Emrin e merr nga presidenti i 37-të i Shteteve të Bashkuara dhe është një nga format më pak të zakonshme të hundës.

11- Hunda bulbore: E gjetur në më pak se 0.5% të popullsisë, kjo formë e rrallë e hundës përcaktohet nga maja e saj e rrumbullakosur, e lakuar, e cila shpesh del jashtë për të krijuar një siluetë rrethore me gunga, në pjesën e poshtme të hundës.

12- Hunda e kombinuar: Kjo formë hunde merr përbërës nga forma të ndryshme të hundëve për të krijuar një siluetë unike./ CNA.al