Deklarata e Sandër Lleshajt/ Policët në moshë të thyer do i dërgojmë roje shkolle

6 Tetor 2020, 16:22, Aktualitet CNA

Ministri i Brendshëm Sandër Lleshaj, ka shpjeguar në mbledhjen e Komisionit për Çështjet Ligjore ndryshimet e reja në Policinë e Shtetit.

Lleshaj tha se me ndryshimet e reja, punonjësit e policisë kanë të drejtë të punësohen në detyra shtetërore pa marrë me vete statusin e policit dhe nëse duan mund t?i rikthehen sërish uniformës blu.

?Ne kemi propozuar nenin që mundëson që punonjësit e policisë të punësohen ne detyra shtetërore pa marrë me vete statusin e policit dhe më pas mund të kthehen sërish kurdo që të jetë e nevojshme në strukturën e policisë. Kjo do të krijojë mundësi të madhe për eksperiencë dhe aftësim profesional. Ata kanë gjithmonë të drejtën për t?u kthyer në polici dhe kjo periudhë e shkëputjes i njihet si vjetërsi punësimi.

Besoj se në trajtën që ka marrë projekti mendoj që ka ardhur koha për miratimin në parlament. Në parim kjo hapësirë krijohet për të adresuar nevojën që kanë institucionet e drejtësisë për njerëz me eksperiencë në këtë fushë. Nëse këto institucione do e kenë këtë nevojë do bëjnë një kërkesë. Nuk është vendosur nëse kjo bëhet me kërkesën e personit apo jo. E dyta ka të bëjë me nevojën për të bërë lëvizje?, u shpreh ai.

Më tej, ministri deklaroi se kanë menduar që punonjësit e policisë në moshë të thyer të transferohen me detyrë si roje shkollash.

?Ne mendojmë që një pjesë e punonjësve të policisë që kanë qenë në detyrën e ruajtjes së objekteve me moshë të madhe të cilët mund të kalojnë të ruajnë objekte të tjera. Ne do paraqesim një iniciativë të re për sigurinë e shkollave. Ne mendojmë që një pjesë e tyre që kanë qenë për ruajtjen e ambienteve dhe janë në moshë të thyer, mund të kalojnë të kryejnë detyra në këto struktura jo si punonjës policie por si punonjës të sigurisë së këtyre objekteve duke ruajtur trajtimin financiar në kushte të tjera. A do ta lëmë apo jo në vullnetin e personit ne e kemi të hapur ta diskutojmë. E kemi lënë të hapur për ta diskutuar në nivelin e qeverisë. Ne mendojmë se transferimi do kreditohet, nuk do të jetë degradim por promovim?, theksoi Lleshaj./ CNA.al