web counter
LEXO PA REKLAMA!

SHKARKO APP

App Store
Google Play

Supersfida ndaj Napolit, Pirlo merr në ekipin e parë edhe... Vrionin

4 Tetor 2020, 12:37, Sport CNA

Një situatë shumë e paqartë po ndodh në Itali për ndeshjen Juventus-Napoli, e vlefshme për Serie A. Te Napoli lojtarët Zielinski dhe Elmas janë infektuar me koronavirus dhe me sa bëhet me dije, autoritetet shëndetësore rajonale kanë detyruar izolimin e gjithë skuadrës dhe nuk lejojnë daljen jashtë qytetit në mënyrë kategorike, si masë për mospërhapjen e virusit.

Serie A nuk ka vendosur ende në lidhje me anulimin apo jo të kësaj ndeshje dhe te Juventusi duan ta shfrytëzojnë këtë situatë për të marrë tre pikët në tavolinë, me argumentin se protokolli parashikon zhvillimin e ndeshjeve edhe nëse skuadrës i kanë mbetur vetëm 13 lojtarë. Bardhezinjtë kanë bërë me dije se në orën 20:45 lojtarët do të zbresin në fushën e lojës, ashtu siç është parashikuar në kalendar.

Mesditën e sotme bardhezinjtë kanë publikuar edhe listën e lojtarëve të gatshëm për Pirlon në ndeshjen, që pritet të mos luhet. Në listën e lojtarëve është edhe emri i Vrionit, i cili duket se ka rënë për mirë në sy të Pirlos dhe ish-regjisori i Juves, Milanit e Interit e grumbullon thuajse në çdo ndeshje dhe pritet që shpejt t?i japë mundësinë të luajë disa minuta.





Lajmet e fundit nga