web counter
LEXO PA REKLAMA!

SHKARKO APP

App Store
Google Play

Maqedonia vendos rregulla më të ashpra?/ Komisioni për Sëmundjet Infektive i dorëzon qeverisë masa të reja

4 Tetor 2020, 15:58, Kosova & Bota CNA

Maqedonia e Veriut mund të ashpërsojë masat e marra për shkak të situatës shendëtësore që ka krijuar Covid-19.

Komisioni për Sëmundjet Infektive i ka dorëzuar sot qeverisë disa masa të reja më të rrepta. Lajmin e ka bërë të ditur ministri i Shëndetësisë së shtetit fqinj Venko Filipçe, i cili prezantoi masat.

?Sot, Komisioni miratoi disa propozime që do të paraqiten në seancën e sotme të Qeverisë, këto janë si më poshtë: së pari, për të ndaluar shfaqjen e këngëtarëve dhe DJ-ve në të gjitha objektet e hotelierisë. Ju kujtojmë që diskotekat dhe klubet e natës nuk kanë leje pune, ne insistojmë që të respektohet orari i punës në restorante deri në 12 gjatë ditëve të javës dhe 1 pas mesnate në fundjavë. Volumi i lejuar i muzikës është zvogëluar dhe është i kufizuar në 55 decibel sipas rregullores sonë të Ministrisë së Shëndetësisë, në mënyrë që të zvogëlohet përqendrimi më i madh i njerëzve në një vend. Ne gjithashtu rekomandojmë zvogëlimin e numrit të njerëzve që mund të ulen në një tryezë në hotelineri nga 12 tani të lejuar në 4. Ne e prisnim këtë, ne njoftuam se presioni do rritet, një mini valë që supozohej të ndodhte në muajt e vjeshtës filloi, për shkak të përqendrimit më të madh të njerëzve tashmë pas përfundimit të pushimeve?, deklaroi Filipçe.

Ndërkohë, këto masa pritet të diskutohen pas pak minutash, në seancën e radhës të qeverisë që do të fillojë në orën 18:00./ CNA.al





Lajmet e fundit nga