web counter
LEXO PA REKLAMA!

SHKARKO APP

App Store
Google Play

Gjermania shtrëngon masat/ Vendos kufizime të reja për grumbullimet, baret dhe restorantet

30 Shtator 2020, 19:58, Kosova & Bota CNA

Kancelarja Angela Merkel dhe udhëheqësit e 16 shteteve federale të Gjermanisë kanë rënë dakord për të vënë rregulla të reja më të rrepta për të parandaluar përhapjen e mëtejshme të koronavirusit.

Rregullat e reja prekin numrin e njerëzve të lejuar që marrin pjesë në tubime shoqërore dhe baret e restorantet.

Merkel ka paralajmëruar se do të ketë gjobitje për këdo që shkel rregullat dhe për në rastet kur restorantet apo baret nuk japin të dhëna të sakta të kontakteve.

Pas një konference me udhëheqësit e shtetit, ajo prezantoi “strategjinë e re të pikës së nxehtë” të Gjermanisë, duke theksuar se qëllimi i masave të reja është shmangia e një bllokimi tjetër kombëtar.

Udhëheqësit e shtetit ranë dakord që nuk do ketë asnjë rihapje të mëtejshme të jetës publike dhe që duhet të vendosen disa kufizime të reja.

Kancelarja gjermane tregoi se numri i infeksioneve është rritur kryesisht nga dasmat, gëzimet familjare dhe ahengjet. Rregulli i ri përcakton që, në çdo rajon ku shkalla e infektimit tejkalon 35 raste të reja për 100,000 banorë gjatë një jave, do të vendoset një kufi pjesëmarrjeje prej 50 personash në grumbullime.

Nëse numri i rasteve të reja tejkalon 50 të infektuar për 100.000 banorë, atëherë vetëm 25 persona do të lejohen në grumbullimet publike.

Udhëheqësit e Gjermanisë nuk ishin në gjendje të bien dakord për një rregull detyrues për festat private në shtëpi, por Merkel tha se ata “rekomanduan fuqimisht” një kufi prej 10 mysafirësh në rajonet më të goditura.

Ndërkohë, nëse restorantet apo baret japin informacione rreme për të dhënat e klientëve, do të gjobiten me 100 euro.

Merkel tha se pronarët e restoranteve duhet t?i kërkojnë klientëve të dhënat personale dhe nëse ata kanë dyshime, duhet t?i kërkojnë kartat e identitetit.

Kancelarja deklaroi më tej se këto janë “disa nga masat më të lehta dhe më efektive” në luftimin e virusit të padukshëm./ CNA.al





Lajmet e fundit nga