web counter
LEXO PA REKLAMA!

SHKARKO APP

App Store
Google Play

E fundit!

x

Ndërroi jetë pak muaj më parë/ Meta vlerëson kirurgun Panajot Boga me Dekoratën “Nderi i Kombit”

29 Shtator 2020, 14:07, Politikë CNA

Presidenti Ilir Meta vlerësoi sot mjekun e shquar ortoped dhe traumatolog, kirurgun, pedagogun dhe shkencëtarin Panajot Boga (pas vdekjes) me Dekoratën ?Nderi i Kombit?, me motivacionin ?Për kontributin dhe përkushtimin e lartë profesional dhe njerëzor në fushën e mjekësisë.

Si themelues i ortopedisë dhe traumatologjisë shqiptare, duke mbështetur drejtimin e tyre me dijet, metodat e teknikat më bashkëkohore. Për vlerat si pedagog në përgatitjen e brezave të ardhshëm, kirurg dhe shkencëtar i përmasave europiane?.

Në ceremoninë solemne të dekorimit të organizuar në Institucionin e Presidentit, ku ishin të pranishëm mjekë, kolegë, pedagogë, akademikë dhe familjarë, Kreu i Shtetit u shpreh se Boga është emblema e Ortopedisë dhe e Traumatologjisë shqiptare.

?Si shef modern i një shërbimi universitar, Prof.Boga gërshetoi në nivel të lartë profesional, aktivitetin klinik, shkencor dhe pedagogjik. Nuk mund të mos përmend me këtë rast se nga ekipi që krijoi Prof. Boga numërohen të paktën 7 mjekë me titullin Profesor.

Novacionet e tij të shumta u implementuan në praktikën ortopedike dhe traumatologjike dhe u ngritën në rang protokollesh, që u zbatuan me sukses në sallat e operacioneve.

Me mençurinë, energjitë dhe këmbënguljen që e karakterizonte, së bashku me kolegët e vet, Profesor Panajot Boga ndërmori një nismë të guximshme. Në zbatim të propozimit të tij, në Durrës u krijua Qendra Kirurgjikale dhe e Rehabilitimit për fëmijët e moshës 3 deri në 8 vjeç?, u shpreh ai./ CNA.al





Lajmet e fundit nga