web counter
LEXO PA REKLAMA!

SHKARKO APP

App Store
Google Play

E fundit!

x

“Çmendet” kryetari i KPP/ Thyen vendimin e Prokurorisë së Përgjithshme

29 Shtator 2020, 14:02, Politikë CNA

Kanë kaluar vetëm dy muaj nga emërmi i kryetarit të ri të Komisionit të Prokurimit Publik.

CNA.al ka raportuar më herët se Këshilli i Ministrave kishte kualifikuar në kundërshtim me nenin 19/3 të Ligjit të Prokurimit Publik, kandidatin, Jonaid Myzyri, i cili nuk plotësonte 2 nga kriteret parashikuara në nenin 19/3 pika 2 dhe konkretisht: 1) Nuk plotëson kriterin e vjetërsisë 8 vite përvojë pune, pasi në vitin 2014 ka përfunduar studimet dhe 2) nuk plotëson kriterin 2 vite në pozicion drejtues pasi maksimumi i eksperiencës drejtuese të tij është pozicioni Shef Sektori për 8 muaj.

Ndërkohë pavarësisht shkeljeve ligjore, Komisioni e mori vendimin për të shpallur fitues Joanid Myzyrin. Mirëpo vetëm dy muaj pas marrjes së detyrës, Myzyri ka filluar ?të çmendet? pasi nuk ka pyetur fare për ligje duke thyer vendimin e Prokurorisë së Përgjithshme.

Kryetari i Komisionit të Prokurimit Publik, Jonaid Myzyri në mbledhjen e datës 23.09.2020, shqyrtoi ankesën për shfuqizimin e vendimit të Komisionit të Vlerësimit të Ofertave për skualifikimin e operatorit ekonomik ?Infosoft Office? sh.p.k në procedurën e prokurimit me objekt: ?Blerje materiale për funksionimin e pajisjeve të zyrës?.

Komisioneri i Prokurimit Publik vendosi të pranojë ankesën e paraqitur nga operatori ekonomik ?Infosoft Office? shpk për procedurën e prokurimit me Nr.REF-57603-05-07-2020, me objekt: ?Blerje materiale për funksionimin e pajisjeve të zyrës?, me fond limit 30,198,520 lekë pa tvsh, zhvilluar me date 01.06.2020, nga autoriteti kontraktor, Zyra e Prokurorit të Përgjithshëm.
Në mbledhjen e KPP u vendos që autoriteti kontraktor të anulojë vendimin e KVO-së mbi skualifikimin e operatorit ekonomik ?Infosoft Office? shpk duke e kualifikuar atë.

?Infosoft Office? është një nga kompanitë që fiton thuajse shumicën e tenderave për kancelari në një treg monopol. Janë edhe disa kompani të tjera zinxhir në shërbim të një skeme që kap shumicën absolute të tenderave në disa fusha, në shumicën e institucioneve publike.
Pa folur më tej për tenderat sekretë apo sherbime të tjera./CNA.al

Ekskluzive/ CNA.al e paralajmëroi, zgjidhet kreu i ri i KPP





Lajmet e fundit nga