web counter
LEXO PA REKLAMA!

SHKARKO APP

E fundit!

x

Informacioni “top sekret” i gjermanëve i kushtoi detyrën kreut të OFL-së

29 Shtator 2020, 12:51, Politikë CNA

Zbardhen detaje të tjera nga shkarkimi nga detyra i kreut të Operacionit Forca e Ligjit, Artan Shkëmbi.

Gazetarja Klodiana Lala raporton se hetimet për Shkëmbin kanë nisur 6 muaj më parë, pas një informacioni top-secret, të ardhur nga Gjermania. Sipas Lalës, autoritetet gjerman kishin kërkuar informacion për një grup trafiku kokaine, por kërkesa e tyre ishte dekonspiruar. Po ashtu mësohet se të dhënat iu ishin dërguar përmes një platforme ?cryptochat?. Vendimi për pezullimin e tij u mor dje nga gjykata e Posacme Kundër Korrupsionit dhe Krimit të Organizuar dhe u pasua nga një urdhër i kryepolicit Ard Veliu.

Artan Shkëmbi, ka mbajtur disa detyra të rëndësishme në policinë e shtetit, ndërsa kandidoi edhe për të marrë drejtimin e Byrosë Kombëtare të hetimit, por nuk arriti të kualifikohet në fazën e testit të poligrafit. Në shkurt 2020, ai kaloi me sukses testin e vettingut, pavarësisht probleme që u relatuan nga trupa gjykuese në shtyllën e pasurive dhe figurës morale./CNA.al





Lajmet e fundit nga