E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Dita Botërore e Zemrës/ Manastirliu: Koronarografitë falas 24/7, puna nuk u ndal as në epidemi

29 Shtator 2020, 14:38, Lifestyle CNA

29 shtatori shënon ditën Botërore të Zemrës e cila synon të promovojë masa parandaluese që zvogëlojnë rrezikun e sëmundjeve kardiovaskulare.

Në kuadër të kësaj dite, ministrja e Shëndetësisë Ogerta Manastirliu ka zhvilluar një vizitë në qendrën e Hemodinamikës në QSUT, ku vlerësoi punën e madhe të stafeve mjekësore, e cila nuk është ndalur për asnjë ditë, edhe në këtë situatë epidemie.

Pavarësisht situatës së epidemisë, ndërhyrjet në zemër me metoda të avancuara nuk janë ndalur.

Janë rreth 35 mijë qytetarë qe në 5 vite kanë përfituar falas shërbimin jetik të koronarografisë, me financim 100% nga shteti.

?Qeveria shqiptare është e angazhuar, ashtu sikurse në parandalim edhe në trajtimin mirë të sëmundjeve kardiovaskulare, për të rritur vitet e shëndetshme, uljen e invaliditetin dhe fatalitetet nga këto sëmundje. Edhe pse në situatë epidemie, puna nuk ka ndalur jo vetëm në këtë qendër e cila performon 7-8 herë më shumë krahasuar me vitin 2014, por edhe në qendrat e hapura në spitalet e tjera. Janë rreth 35 mijë koronarografi të kryera në këto 5 vite për qytetarët, përfshirë edhe urgjencat kardiake 24/7?, tha Manastirliu.

Ministrja e Shëndetësisë deklaroi se sot koha e pritjes për një koronarografi, nuk I kalon 14 ditë dhe se urgjencat kardiake kryehen në çdo kohë në repartin e hemodinamikës në QSUT, ndryshe nga sa ndodhte disa vite më parë.

?Sot askush nga qytetarët, nga veriu në jug, nuk pret dhe nuk referohet në sistemet jo-publike për të kryer një koronarografi të urgjencës gjatë natës. Sot qytetarët nuk duhet të presin më shumë se 14 ditë nëse duan të bëjnë një ekzaminim nëpërmjet koronarografisë. Për këtë ka vlejtur pikërisht investimi që kemi bërë në Tiranë, në qendrën e specializuar tek ?Shefqet Ndroqi?, në Shkodër, dhe në spitalin rajonal të Fierit?, tha Manastirliu. Dua të ndalem tek situate e epidemisë, Ministrja e Shëndetësisë tha se edhe për pacientët e prekur nga COVID19 të cilët kanë nevojë për kryerjen e një koronarografie, shërbimi ofrohet në spitalin COVID2 ?Shefqet Ndroqi?.

?Kemi siguruar që me vendosjen në dispozicion të spitalit ?Shefqet Ndroqi? si një spital Covid2, edhe laboratori i Hemodinamikës që është aty, është i gatshëm për të gjithë rastet e pacientëve të cilët mund të trajtohen me me Covid, por kanë nevojë për një ndërhyrje të specializuar, jo invasive në zemër?, tha Manastirliu.

Prof. Artan Goda, shefii shërbimit të Kardiologjisë 1 u shpreh se qendra e hemodinamikës në QSUT ka një rritje substanciale të volumit të punës së kryer në vitin e fundit.

?Kjo periudhë që nga Dita e Zemrës e vitit të kaluar deri sot që jemi në Ditën e Zemrës, mund të them që duhet konsideruar i suksesshëm për kardiologjinë. Janë shërbyer 5500 të sëmurë gjatë kësaj periudhe, janë kryer rreth 8200 proçedura, vetëm në këtë qendër që është sigurisht më aktivja në vend. Jemi qendra me volumin më të madh të punës në rajon?, tha prof. Goda.

Prof. Goda tha se sfidë mbetet zgjerimi i gamës së ndërhyrjeve, duke theksuar se qendrat publike përballojmë rreth 90 % të ndërhyrjeve në vend. Prof. Alban Dibra, shef I shërbimit të kardiologjisë 2 u shpreh se ka një ecuri të mirë të pacientëve, kjo edhe falë eksperiencës tashmë të krijuar në këtë shërbim. ?Viti i fundi ka arritur pikun e rasteve të trajtuar në urgjencë. Janë gati 1700 pacientë, prej të cilëve 1600 janë pacientë me infarkt akut të miokardit, që është edhe forma me riskun më të lartë të sëmundjeve kardiake?, tha prof. Dibra. Sëmundjet e zemrës janë ndër patologjite më të shpeshta të diagnostikuara në sistemin shëndetesor shqiptar dhe shkaktari kryesor i vdekjeve në Shqipëri (i ndjekur nga sëmundjet cerbrovaskulare dhe tumoret)./CNA.al

??Dita Botërore e Zemrës ? Me ekipin e mjekëve të #kardiologjisë në QSUT, ku pavarësisht situatës së epidemisë, puna nuk ka ndalur 24/7 për ndërhyrjet në zemër me metoda të avancuara.? 35 mijë qytetarë kanë përfituar falas shërbimin jetik të koronarografisë, me financim 100% nga shteti, e pamenduar disa vite më parë, kur për një urgjencë kardiake në orët e mbrëmjes, mungonte shërbimi në strukturat publike.

Gepostet von Ogerta Manastirliu am Dienstag, 29. September 2020