web counter
LEXO PA REKLAMA!

SHKARKO APP

App Store
Google Play

E fundit!

x

Berisha i përgjigjet Fatos Klosit/ Tregon pengun që i ka mbetur nga vrasja e Azem Hajdarit

29 Shtator 2020, 21:24, Politikë CNA

Ish-kryeministri ka reaguar pas deklaratës së ish-kreut të SHISH Fatos Klosi, se Sali Berisha duhet të merret edhe zvarrë për të dëshmuar në gjykatë për vrasjen e Azem Hajdarit.

Berisha tha në emisionin ?Tempora?, në Ora News, se pengu i tij i vetëm është që nuk janë zbuluar personat që urdhëruan vrasjen e Hajdarit.

Ai ngriti akuzat se Klosi është një nga pjesëmarrësit në ekzekutimin e ish-dhjetoristit, ndërsa pretendon se kryeministri Edi Rama po përpiqet të hakmerret për ato që Azem Hajdari i ka bërë etërve të tij.

?Pengu i vetëm që kam se ata të cilët e urdhëruan vrasjen e shekullit, ata mbeten pa zbuluar, kurse vrasësit dhe ekzekutorët e projektit të hakmarrjes primitive të Azem Hajdarit, ata kanë marrë dënimin në dijeninë time nga gjykata. Të sigurt të jeni ju se një nga pjesëmarrësit është Fatos Klosi. Ai akt, mjafton të lexosh deklaratat e tij dhe të kuptosh se ai ka qenë organizator, në vrasje. Problemi është këtu se këta ekzekutuan një pjesë të mirë të atyre që morën pjesë në ekzekutim.

Kjo që ndodh është thjeshtë një përpjekje e Edi Ramës, për tu hakmarrë, për të ekzekutuar për së dyti Azem Hajdarin, si akt hakmarje për atë që ai i bëri etërve të Edi Ramës por edhe Ramës. Është thjeshtë një akt për të shpërblyer vrasësit e Azem Hajdarit që jetojnë në burg dhe jashtë burgut?, deklaroi Berisha./ CNA.al





Lajmet e fundit nga