web counter
LEXO PA REKLAMA!

SHKARKO APP

App Store
Google Play

E fundit!

x

Berisha flet për Bashën/ Kryeministër bëhet ai që del parti e parë

29 Shtator 2020, 20:43, Politikë CNA

Ish-kryeministri Sali Berisha është pyetur mbrëmjen e sotme lidhur me mënyrën se si po e drejton Lulzim Basha Partinë Demokratike dhe nëse ka pakënaqësi ndaj tij.

Berisha nuk preferoi të flasë për marrëdhëniet e tij me Bashën, por deklaroi se aktualisht opozita ka më shumë mbështetje se qeveria.

Ai tha në emisionin ?Tempora? në Ora News se qeveria po kopjon opozitën dhe se kryeministër do të bëhet kryetari i partisë më të madhe opozitare.

?Ajo çka mund të them unë, raportet e mbështetjes tek qytetarët shqiptarë janë pakrahasimisht më të larta për opozitën sesa për qeverinë.

E dyta, e vërteta është se nëqoftëse ju e ndiqni me vëmendje skemën politike, për herë të parë besimin jetës politike ia jep Lulzim Basha dhe opozita dhe jo Edi Rama, i cili është katandisur ashtu siç e meriton një njeri i përçmuar masivisht nga shqiptarët.

Nëqoftëse në kushtet e zakonshme iniciativa është në dorë të qeverisë, tani kemi të bëjmë me një qeveri që kopjon, që bën papagallin e opozitës, për të mos thënë largimi i tij nga Durrësi ishte kapitullimi i plotë. Është një klimë krejtësisht tjetër, se kush do jetë kryeministri e caktojnë shqiptarët, ai që del parti e parë bëhet kryeministri dhe partia e parë opozitare dihet kush është?, theksoi Berisha./ CNA.al





Lajmet e fundit nga