web counter
LEXO PA REKLAMA!

SHKARKO APP

App Store
Google Play

E fundit!

x

Konflikti Armeni-Azerbajxhan/ Dhjetra të vrarë nga bombardimet

28 Shtator 2020, 12:43, Kosova & Bota CNA

Konflikti i armatosur mes Armenisë dhe Azerbajxhanit vijon akoma. Palët kanë publikuar pamje të bombardimit të pozicioneve të armikut, ku shihet shkatërrimi i tankeve dhe sistemeve kundërajrore.

Presidenti i Azerbajxhanit, Ilham Aliyev, pranoi se ushtria e vendit të tij ka pësuar humbje gjatë luftimeve në rajonin e kontestuar të Nagorno-Karabakut, i cili kontrollohet nga armenët, por ndërkombëtarisht njihet si pjesë e territorit të Azerbajxhanit.

Armenia pretendon se i ka rrëzuar dy helikopterë të forcave azere dhe i ka goditur me artileri dy tanke të armikut, por një gjë e tillë është mohuar nga Ministria e Mbrojtjes e Azerbajxhanit.

Nuk dihet saktësisht si filloi përleshja e fundjavës, që është më e rënda nga korriku i këtij viti, kur 16 ushtarë u vranë nga radhët e të dyja palëve, raporton Daily Mail.

Konflikti mes këtyre dy vendeve e ka tërhequr vëmendjen ndërkombëtare për shkak se nëpër këtë rajon kalojnë naftësjellësit dhe gazsjellësit që e furnizojnë Evropën nga burimet në Detin Kaspik.

Kombet e Bashkuara dhe fuqitë e mëdha u kanë bërë thirrje palëve që t?i ndërpresin menjëherë luftimet dhe t?i ulin tensionet.





Lajmet e fundit nga