web counter
LEXO PA REKLAMA!

SHKARKO APP

App Store
Google Play

E fundit!

x

Takmi me Ramën nuk ndal protestën/ Mjekët mblidhen para QSUT

24 Shtator 2020, 08:24, Sociale CNA

Edhe pse policia nuk u dha leje, mjekët e QSUT kanë filluar protestën. Në një kohë që 4 përfaqësues nga bluzat e bardha janë në takim me kryeministrin Edi Rama, kjo nuk e ka ndalur protestën e mjekëve në QSUT.

Dy prej mjekëve që janë në takim në kryeministri janë Gent Stroni dhe Arjan Mezini. Ndërkohë, bëhet e ditur se e pranishme është edhe ministrja e Shëndetësisë Ogerta Manastirliu dhe drejtori i QSUT, Enkel Joti.

Ata kërkojnë që mjekët të cilët humbin jetën në krye të detyrës të shpallen dëshmorë të kombit, rritje të pagave, sigurimin e jetës së personelit shëndetësor dhe tu sigurohen të gjitha kushtet në punë.

Kërkesat e mjekëve

Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm.

Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën dhe pas fatkeqësive të mundshme në këtë luftë.

Rritje e vlerësueshme e trajtimit financiar të personelit shëndetësor.

Personelit shëndetësor të çdo niveli t’i sigurohen të gjitha kushtet në punë për parandalimin e infeksionit sipas të gjithave standarteve kombëtare dhe ndërkombëtare./CNA.al





Lajmet e fundit nga