web counter
LEXO PA REKLAMA!

SHKARKO APP

App Store
Google Play

Rritja e rasteve me Covid në Britani/ Johnson prezanton kufizimet e reja për 6 muajt e ardhshëm

22 Shtator 2020, 14:24, Kosova & Bota CNA

Kryeministri britanik Boris Johnson ka prezantuar sot masat e reja anti-covid që do te jenë në fuqi për 6 muajt e ardhshëm.

Ai tha se Britania ishte në një “pikë kthese të rrezikshme” dhe duhej të vepronte tani.

Njerëzit do të duhet të mbajnë maska gjatë përdorimit të transportit publik, dhe madhësia e mbledhjeve të lejuara do zvogëlohet. Dasmat do të kufizohen në 15 persona në vend të 30.

Qeveria Britanike po rrit gjithashtu dënimet për shkeljen e rregullave. Ata që shkelin këto rregulla do të gjobiten deri në 200 paund.

Njoftimi vjen një ditë pasi këshilltarët kryesorë shkencorë dhe mjekësorë të Qeverisë Britanike thanë se infeksionet e koronavirusit dyfishoheshin çdo shtatë ditë dhe mund të rriten në 49,000 në ditë nga mesi i Tetorit nëse nuk bëhet asgjë për të ndaluar përhapjen.

Të hënën, qeveria raportoi 4,300 raste të reja të konfirmuara, numri më i lartë që nga maji.

Mbretëria e Bashkuar ka numrin më të madh zyrtar të vdekjeve COVID-19 në Evropë dhe të pestën më të madh në botë, me 41,877 vdekje.

Shefat kryesorë mjekësorë të Anglisë, Skocisë, Uellsit dhe Irlandës së Veriut ngritën alarmin e virusit të Mbretërisë së Bashkuar nga tre në katër, niveli i dytë më i lartë, sipas këshillës së Qendrës së Përbashkët të Biosigurisë.

Ata thanë se rastet e COVID-19 po ngriheshin “me shpejtësi dhe ndoshta në mënyrë eksponenciale”, shkruan Reuters./CNA.al





Lajmet e fundit nga