web counter
LEXO PA REKLAMA!

SHKARKO APP

App Store
Google Play

Reforma elektorale/ Ambasadori britanik, nga Shkodra: Ndryshimet duhet të jenë transparente dhe të ligjshme

22 Shtator 2020, 14:08, Politikë CNA

Ambasadori britanik, Duncan Norman teksa pa folur për Reformën elektorale kërkoi që të respektohet marrëveshja e 5 qershorit mes palëve politike dhe çdo ndryshim duhet të bëhet në mënyrë transparente dhe të ligjshme.

Norman tha nga Shkodra se çdo sistem që propozohet mund të bëhet funksional nëse ka vullnet politikë dhe konsensusi për ndryshimet është në dorë të vetë partive politike.

“Reforma elektorale është temë e nxehtë dhe Britania e Madhe do ta shohë të implementuar në mënyrën më të mirë. Unë nuk di formën e duhur por çdo sistem bëhet funksional nëse është vullneti politik. Ne ishim ekstremist mbështetës për marrëveshjen e 5 qershorit dhe ajo marrëveshje nuk duhet të ndryshoj. Ndryshimet nëse janë, duhen transparente dhe të ligjshme dhe konsensusi është mes palëve politike”, tha Norman

I pyetur nëse krimi cenon zhvillimin e zgjedhjeve të lira, ambasadori britanik, Norman u shpreh se përmes vullneti politik mund të sigurohen zgjedhje të lira dhe të ndershme, ku populli të thotë i lirë fjalën e tij. Ai shtoi se Britania e Madhe dhe qeveria shqiptare punojnë ngushtësisht që të luftojnë krimin e organizuar në të gjitha nivelet./CNA.al





Lajmet e fundit nga