GJKKO i sekuestroi pasurinë/ Kush është Kelmend Balili dhe lidhjet me LSI

22 Shtator 2020, 07:36, Politikë CNA

Gjykata e Posaçme kundër Korrupsionit dhe Krimit të Organizuar (GJKKO) ka vendosur konfiskimin e pasurive të Kelmend Balilit, i njohur ndryshe si “Eskobar i Ballkanit”. SPAK bën të ditur se 40% e pasurive të tij do ‘i kalojnë në pronësi të shtetit. Mes pasurive të sekuestruara ështe edhe “Santa Quaranta”, resorti në qytetin e Sarandës, biznese dhe 16 apartamente nga 42.5 m2 deri në 91 m2. (Lexo këtu)

Por, kush është Kelmend Balili dhe lidhjet me LSI

Kelmend Balili ka qenë për 2 vite Drejtor i Drejtorisë së Transporteve në qytetin e Sarandës në 2016, emëruar nga LSI-ja.

Vëllai i Klemend Balilit, Rigels Balili u zgjodh kryetar i bashkisë së Delvinës në zgjedhjet lokale të vitit 2015, si përfaqësues i Lëvizjes Socialiste për Integrim.

Pushteti i tyre ekonomik dhe influenca e madhe në jug të vendit, e ndihmoi LSI-në të rriste rezultatin e saj elektoral në Sarandë, Delvinë e Vlorë.

Në maj të vitit 2016 mediat greke kanë raportuar për një biznesmen nga Saranda, i cili thuhej se është kreu i një organizate kriminale të trafikut ndërkombëtar të drogës.

Mediat greke shkruanin ?Baroni i kartelit të drogës në Ballkan po mbrohet nga politika në Tiranë?, si dhe theksonte pafuqinë e policisë shqiptare për ta arrestuar.

Po ashtu, mediat pohuan se një sasi prej 700 kilogramë Cannabis Sativa që u sekuestrua asokohe në vendin helen i përkiste Kelmend Balilit. Hetimi ndaj Balilit në Greqi, është bërë nga ?DEA? amerikane dhe policia greke. Në këtë hetim, DEA amerikane e policia greke, janë asistuar edhe nga policia shqiptare.

Pas shpalljes në kërkim atij iu bllokuan asetet që kishte në pronësi, ndërsa dështuan disa operacione për ta prangosur, derisa ai u vetëdorëzua në 15 Janar të vitit 2019.

Kujtojmë këtu se për arrestimin e Balilit nuk kanë munguar dhe qëndrimet e selive diplomatike.

I ashtuquajturi ?Eskobari i Ballkanit? është një ndër emrat e botës së krimit i përmendur jo pak dhe nga ish-ambasadori i SHBA në Tiranë, Donald Lu, kur foli për katër klane kriminale dhe 20 familje mafioze që kontrollojnë operacionet kriminale në Shqipëri, mes të cilëve ishte dhe Klement Balili, të cilin ish-ambasadori Donald Lu e cilësoi si ?peshk i madh?./ CNA.al

Ilir Meta si padrino/ Të gjithë trafikantët e presidentit dhe LSI-së

Klement Balili e thotë copë: Kam punuar për LSI, Ilir Meta më bëri drejtor

GJKKO vendos sekuestrimin e pasurive të Kelmend Balilit