web counter
LEXO PA REKLAMA!

SHKARKO APP

App Store
Google Play

Zgjedhjet e 25 prillit/ Delegacioni francez-politikanëve: Kujdes, garantoni funksionimin e drejtësisë

21 Shtator 2020, 20:40, Politikë CNA

Drejtësia dhe zgjedhjet janë dy çështjet kryesore që duhet të bindin Francën për të hapur dritën jeshile të negociatave me Shqipërinë.

Një delegacion prej 6 deputetësh nga i gjithë spektri politik francez vizitoi vendin tonë për të parë nga afër hapat e Shqipërisë në rrugën europiane.

Kreu i këtij delegacioni, Mireille Clapot, (Mirej Klapo) tha për Euronews Albania se ata dëshirojnë që institucionet e drejtësisë të jenë të konstituara dhe që zgjedhjet e 25 prillit të jenë më të mirat e mundshme.

?Drejtësia duhet të jetë një sistem i pavarur dhe e dimë që në Shqipëri aktualisht po veprohet në sistemin e vetingut. Dëshirojmë që të gjitha institucionet e drejtësisë, të jenë të konstituara, të formuara dhe funksionale sa më shpejt të jetë e mundur. Përsa i përket zgjedhjeve, dëshirojmë që këto zgjedhje të zhvillohen në mënyrën më të mirë të mundshme, të jenë të lira dhe të pavarura. Ne jemi gjithashtu shumë të vëmendshëm dhe ndaj luftës që bëhet ndaj krimit të organizuar , korrupsionit dhe pastrimit të parave?,- tha në fjalën e tij Mireille Clapot.

Franca është e vëmendshme gjithashtu edhe për sa i përket çështjeve të mjedisit dhe reformave të tjera që vendit i duhen për anëtarësimin në BE.

?Franca siç e ka bërë të qartë presidenti z. Emanuel Macron dëshiron që të gjitha reformat që bëhen në Shqipëri të kenë rezultat, kryesisht të jenë gjithashtu të dukshme dhe të prekshme për popullatën. Gjithashtu Franca siç e dini ka vendosur dhe parimin e kthimit mbrapa të procesit. Theksoj dhe njëherë dhe dua të jem shumë e qartë, duhet që reformat të ecin para, të jenë të suksesshme dhe të jenë të prekshme për qytetarët?,- shtoi kreu i delegacionit francez.

Në përfundim, Mireille Clapot kërkoi që të mos lihet pas lufta kundër korrupsionit dhe krimit të organizuar por edhe kundër pastrimit të parave.





Lajmet e fundit nga