web counter
LEXO PA REKLAMA!

SHKARKO APP

E fundit!

x

Pas një jave grevë urie/ "Imami" i dënuari për terrorizëm dërgohet me urgjencë në spital

12 Shtator 2020, 18:57, Kronika CNA

Mesditën e sotme është transportuar me urgjencë për në spitalin e burgut të Peqinit i burgosuri Genci Balla.

Mësohet se gjendja e tij shëndetësore është përkeqësuar, pasi prej një jave ndodhej në grevë urie.

Ai ka refuzuar të qëndrojë në regjimin “41 bis” me akuzën se drejtuesit e burgut se po e torturojnë.

Aktualisht ai po mbahet me serume dhe ndodhet nën kujdesin e mjekëve, por sërish ka refuzuar të ushqehet.

Ndërkohë, së bashku me të në grevë urie kanë hyrë edhe dy të burgosur të tjerë, të cilët gjithashtu janë në gjendje të rëndë shëndetësore.

Nga informacionet paraprake, raportohet se njëri prej tyre është drejt humbjes së shikimit për shkak të mosushqyerjes. Sakaq, kujtojmë se Genci Balla është duke vuajtur dënimin për akuzën e rekrutimit të besimtarëve për qëllime terroriste./ CNA.al





Lajmet e fundit nga