web counter
LEXO PA REKLAMA!

SHKARKO APP

App Store
Google Play

E fundit!

x

Mjekët: Maskat e fytyrës ju mbrojnë nga Covid-19, por ja çfarë u bëjnë syve...

12 Shtator 2020, 06:47, Lifestyle CNA

Në momentin aktual ku gjendet pandemia e Covid-19, ekspertët mjekësorë pranojnë gjerësisht se mbajtja e maskës në fytyre në ambiente publike, është një nga mënyrat më të mira për të luftuar përhapjen e koronavirusit të ri.

Por edhe pse maskat mbrojnë të tjerët ? por edhe veten – nga Covid-19, mbajtja e tyre mund të krijojë disa bezdi të vogla. Mjekët paralajmërojnë se mbajtja e maskës në fytyrë mund të shkaktojë një efekt anësor të njohur si efekti ?syrit i thatë i lidhur me maskën? (MADE), një gjendje irrituese që mund të jetë potencialisht e dhimbshme për disa.

Sipas një njoftimi të datës 31 gusht nga Qendra për Kërkime dhe Edukim Okular (CORE) në Kanada, maskat e fytyrës bllokojnë frymëmarrjen e jashtme si funksionin e tyre themelor. Fatkeqësisht, ata raportojnë se disa maska ??më të lehta mund të lejojnë që një fluks ajri i vazhdueshëm të vazhdojë të lëvizë sipër fytyrës, siç e di shumë mirë cilido që mban syze – gjë që rrit avullimin dhe krijon njolla të thata të pakëndshme në shtresën sipërfaqësore të syve.

Dhe nuk është vetëm fluksi i ajrit. ?Disa mjekë kanë vërejtur gjithashtu se maskat mund të tërheqin paksa qepallat e poshtme, duke e bërë të vështirë pulitjen normale të tyre?- thotë Aditja Kanesa-Thasan , specialiste e kornesë së syrit në Spitalin Wills Eye.

Studimet tregojnë tani se përdorimi i vazhdueshëm i maskave të fytyrës, mund të çojë në një tharje të syve, dukuri që ka të ngjarë të prekë një pjesë të madhe të popullsisë, por që mund të jetë veçanërisht problem për cilindo që ka një gjendje ekzistuese siç janë të moshuarit, ata që mbajnë lente, apo për punonjësit që e kalojnë pjesën më të madhe të ditës në mjedise me ajër të kondicionuar apo duke parë ekranet digjitale. Ka edhe më keq se kaq? Mbajtja e maskës dhe dukuria që e shoqëron, krijon gjithashtu rreziqe për shëndetin, duke bërë që njerëzit të fërkojnë sytë, duke infektuar kësisoj veten me duart e tyre të palara.

Atëherë, cila është mënyra më e mirë për t?u marrë me dukurinë e syve të tharë të shkaktuar nga mbajtja e një maske për fytyrën?

Provoni të përdorni një maskë me një tel të vendosur në pjesën e sipërme, që mund ta puthitë mirë pas hundën tuaj, ose ?shtoni një copë shtesë në pjesën e sipërme të maskës për të parandaluar daljen e ajrit?- thekson Kanesa-Thasan.

Ndërkohë mund të gjeni zgjidhje edhe me ilaçet me pika për sytë. ?Lubrifikantët me bazë vaji mund të jenë më efektivë, ato ndihmojnë në avullimin e lotëve?- thotë Vivian Shibajama,  eksperte në Universitetin e Kalifornisë. Ajo rekomandon gjithashtu përdorimin e një komprese të nxehtë gjatë natës, për të stimuluar gjëndrat që prodhojnë vajin e nevojshëm për prodhimin e lotëve.

Fatkeqësisht, MADE nuk është bezdia e vetme e shkaktuar nga mbajtja e maskës në fytyrë: Të tjerët ankohen për njolla e mëdha – ?maskne? – që mund të shkaktojnë maskat e fytyrës./bestlifeonline.com–Përshtatur nga CNA.al





Lajmet e fundit nga