E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Marrëveshja me Serbinë/ Adi Krasta tregon tre alternativat e Kosovës: S’duhet të mbetet e vetmuar

8 Shtator 2020, 20:24, Kosova & Bota CNA

Gazetari Adi Krasta ka folur mbrëmjen e sotme për marrëveshjen Kosovë-Serbi, e cila ngjalli reagime të shumta, si pozitive edhe kritika.

Krasta tha se për momentin Kosovës i kanë mbetur vetëm tre alternative, të vazhdojë lojën pranim-mospranim, të ekzistojë me një status të paqartë pavarësie ose të forcojë lidhjet natyrale me Shqipërinë.

?Kosova sot ka fituar një pranim të përbashkët me Izraelin, i cili nuk është i dëmshëm, përkundrazi, por që nuk përbën një ndryshim thelbësor në gjendjen e paqëndrueshme të saj. Duhet të kujtojmë se tre duket se janë alternativat e momentit për këtë vend me 99 % shqiptarë. Të vazhdojë një lojë të rrezikshme pranim ? mospranimi me vendin me të cilin ka bashkëjetuar më shumë kohë, duke u shtypur; të ekzistojë me një status të paqartë e të paqëndrueshëm pavarësie, që gjithmonë do ketë dikë që ta kundërshtojë e sabotojë; dhe e treta, të forcojë lidhjet natyrale me Shqipërinë?, u shpreh ai në emisionin e tij.

Gazetari tha se Shqipëria vazhdon të portretizohet nga opinion-bërës të njohur të Kosovës, si një vend që më shumë i prish punë Kosovës, sesa mund ta ndihmojë atë.

Ai nuk është përmbajtur ndaj politikanëve kosovarë, për të cilët tha se janë po aq të korruptuar dhe injorantë sa ato të Shqipërisë.

?Politikëbërësit e Shqipërisë kanë ndihmuar gjithashtu për krijimin dhe fuqizimin një sentimenti të tillë. Që të jemi të ndershëm, do të duhet të themi se klasa politike e Kosovës është po aq e korruptuar dhe injorante, sa ajo e Shqipërisë. Por, ndërsa kjo e fundit maninë e madhështisë dhe mosshërbimin inteligjent ndaj vendit të saj e mbyt me arrogancë e narcizizëm, si dhe një gjuhë skandaloze, politikanët dhe drejtuesit e institucioneve kosovare kanë përshtatur një sjellje kundërshtuese pasive, agresive dhe të drunjtë.

Ata qartësisht duken më me etiketë se pushtetarët e Shqipërisë, por me një vëzhgim sadopak të kujdesshëm, kuptohet se janë po aq lokalistë e klanorë, dyshues e arrivistë dhe të interesuar ndaj trafikut të influencave, përtej interesave imediate të vendit.

Kështu, në një Moskuptim të Madh që ka nisur herët me kujdesin e shërbimeve të fshehta e ushtrive armike, Kosova e trajton Shqipërinë me një lloj mosbesimi, ndërsa Shqipëria kur harron të bëjë paternalisten e pasjellshme, i kthehet indiferencës së vendit që pati fat të bëhej i pavarur më shumë se 100 vjet më parë. Natyrisht nga të tjerët dhe pa ndonjë meritë.

Fakt është që qeveritë e Shqipërisë dhe Kosovës, nuk arritën të unifikonin abetaren, as cilësitë e arsimit në të gjitha nivelet. Përtej shfaqjes me dekor, duket se politikanet me pampers ishin te interesuar më shumë të kënaqnin interesat e sekteve të rrezikshme ndërkombëtare, asgjë më shumë se ajo që Esad Pashë Toptani e të tjerë shitës të interesave kombëtare, kanë bërë gjatë gjithë histories?, theksoi gazetari.

Krasta pretendon se alternativa më e mirë është që Kosova të mos mbetet e vetmuar.

?Grenell dhe Trump, Biden dhe Ursula van der Lejen, Josep Borell nuk japin garanci se skenarët për pavarësi të kollajshme dhe integrimi në Europë, do të ndodhin shpejt. Autostrada lidhëse me Beogradin dhe dalja e Serbisë në detin Adriatik, nuk duhet të jetë shqetësim për shqiptarët.

Kosova ka 400 kilometra në det. Ajo është e lidhur natyrshëm me pjesën tjetër të kombit. Të dy klasat politike të dy vendeve, duhet të kuptojnë se zgjidhjet janë këtu. Komunikimi i përditshëm, planet e përbashkëta urgjente të arsimimit, punësimit, doganave, tatimeve, monedhës, do të duhej të ishin jetësuar shumë më parë.

Çdo ditë që kalon, e bën Shqipërinë dhe Kosovën më të dobët e më të përçarë. Nëse i lëmë emocionet e narrativës nacionaliste dhe e shohim këtë panoramë nga larg, vetëm në mënyrë pragmatiste, le t?i lëmë trapllëqet e parëndësishme dhe të bëhemi një sa më parë që të jetë e mundur.

Një komision i përbashkët e i qëndrueshëm politikanësh, akademikësh, njerëzish të kulturës dhe artit, duhet të dalin me një Platformë të Madhe dhe të realizueshme. Ata dihet të punojnë me sinqeritet dhe pa u lodhur e mërzitur. Kështu, do mund të arrihet ajo që mendjet e mençura të Rilindjes së parë kishin dëshiruar gjithmonë?, nënvizoi Krasta./ CNA.al