Marrëveshja ekonomike Kosovë-Serbi, reagon Vetëvendosje: Po shkelet Kushtetuta

8 Shtator 2020, 15:58, Kosova & Bota CNA

Marrëveshja ekonomike mes Serbisë dhe Kosovës, nënshkruar në Uashington është kritikuar nga Lëvizja Vetëvendosje. Përmes një deklarate për mediat Glauk Konjufca tha se marrëveshja ishte nënshtrim pa njohje që shkel Kushtetutën.

?Këtë konferencë ia kushtojmë marrëveshjes së arritur në Shtëpinë e Bardhë mes Abdullah Hotit dhe Vuçiç. Kjo marrëveshje ishte nënshtrim pa njohje. Kjo është mënyra më e mirë se si mund ta shprehim thelbin politik të asaj që u arrit. Për herë të parë pamë se si fatkeqsisht u hap edhe tema e resurseve të Republikës së Kosovës. Ujmani përmban 70% të ujit të Kosovës dhe një kryeministër kaq i papërgjegjshëm si Hoti u pajtua që Ujmani të jetë pjesë e negociatave që ai të jetë pjesë e tryezës së dialogut. Resurset e Kosovës janë të panegociueshme dhe këtë e përmban edhe Kushtetuta e Kosovës?, tha Konjufca.

Ai shtoi gjithashtu se tërheqja e kryeministrit Abdullah Hoti nga njohja e Kosovës është një lajm i keq pas i shkon përshtat kërkesave serbe.

?Pa njohje nuk mundet me u zgjidh asgjë? u shpreh Konjufca ndërsa shtoi se Kosova i ka paguar të gjitha çmimet gjatë luftës.Tërheqja e kryeministrit Hoti nga njohja e Kosovës është një lajm i keq sepse i bie që qeveria jonë i shkon përshtat kërkesave të qeverisë serbe. Pa njohje nuk mundet me u zgjidh asgjë. Kosova nuk ka nevojë të paguaj asgjë për njohje nga Serbia. Çmimin më të madh e kemi paguar gjatë luftës, kur janë vrarë mbi 13 mijë njerëz për çlirimin e Kosovës. Këto janë vetëm disa nga çmiment që ne kemi paguar dhe nuk duhet të japim asgjë nga shteti për njohjen nga Serbia. Ai që mendon se mund t?i japë resurse Serbisë bën një krim të madh dhe kjo ndodhi tashmë. Nga ana tjetër gatishmëria e Hotit për të hyrë në zonën e lirë ekonomike të propozuar nga Serbia është po ashtu një gabim i madh. Vetëm një ëndërr prej disa vitesh ka Serbia, të heqë kufirin mes Kosovës dhe Serbisë, pa e njohur Kosovën edhe para hyrjes së Ballkanit Perëndimor në BE. Serbia pa njohur Kosovën po kërkon të heqë kufijt mes dy vendeve?, deklaroi ai./CNA.al