web counter
LEXO PA REKLAMA!

SHKARKO APP

App Store
Google Play

Regjistrohen rritje shifrash në botë/ Më shumë të infektuar dhe më pak vdekje

7 Shtator 2020, 20:00, Lifestyle CNA

Me ardhjen e vjeshtës, u vu re një rritje e ndjeshme e shifrave të të infektuarve me koronavirus në të gjithë botën.

Deri më tani situata më alarmante është regjistruar në Francë, ku vetëm gjatë fundjavës janë konfirmuar 15 mijë e 600 raste të reja me koronavirus.

Të premten në Francë u konfirmua një shifër rekord prej 9 mijë infektimesh në 24 orë, në këtë shtet. Gjithashtu autoritetet franceze kanë njoftuar se edhe në spitale është rritur numri i shtrimeve dhe në disa rajone po ezaurohen kapacitetet spitalore dhe terapitë intensive.

Ministri i Shëndetësisë Olivier Veran tha se: ?Nuk do të jetë rritje masive, por rastet e rënda do të shtohen.  Megjithatë ne nuk mbështesim një tjetër izolim të vendit. Izolimi ishte si një kapak në tenxheren e tejmbushur të gatimit?.

Po ashtu një tjetër vend që po përjeton rritje rastesh edhe Mbretëria e Bashkuara, ku vetëm në 24 orët e fundit janë regjistruar reth 3 mijë të infektuar.

Sipas autoriteteve britanike, shumica e të infektuarve janë persona të moshave nga 17 deri në 21 vjeç. Megjthatë, vihet re se numri i viktimave ka një trend uljeje ndonëse shifrat janë në rritje./ CNA.al





Lajmet e fundit nga