web counter
LEXO PA REKLAMA!

SHKARKO APP

App Store
Google Play

Osmani: Ja dy lojtarët që shumë shpejt do shkëlqejnë me Kombëtaren A

5 Shtator 2020, 06:57, Sport CNA

Kombëtarja bëri një ndeshje shumë të mirë ditën e sotme, duke arritur të fitojnë pastër 0-2 ndaj Bjellorusisë vendase. Këtë ndeshje e komentoi ish-mbrojtësi i Tiranës, Tefik Osmani.

Korçari tregon se goli i parë e çliroi jo pak ekipin dhe foli për ndryshime të mundshme në ndeshjen e ardhshme ndaj Lituanisë. Në fund ka një koment për Kallakun e Muçin, që shkëlqyen sot me Shqipërinë U21 në fitoren 5-1 ndaj Austrisë U21.

?Skuadra bëri një ndeshje shumë të mirë dhe goli i Cikalleshit e çliroi ekipin dhe u pa direkt edhe nga këtu. Çunat e treguan më mirë veten më pas. Ndeshje e lehtë është vetëm kur e fiton 3-0, 4-0 dhe e dominon gjithë. Nuk ishte e lehtë, por goli i Cikalleshit e liroi skuadrën dhe na dha shumë qetësi.

Në ndeshjen e ardhshme mendoj se mbrojtjen nuk do e lëvizë. Mund të bëjë ndryshime në mesfushë ose në sulm, por mbrojtja është një repart delikat. Mund të ketë ndryshime në sulm e mesfushë. Dy lojtarë që do jenë shumë shpejt në përfaqësuese janë Kallaku dhe Muçi.

Na duhen lojtarë, që dinë të luajnë mirë me topin. Duhen lojtarë, që driblojnë siç ka bërë Muçi, që ka dribluar dhe ka shënuar sot me U21. Ose Kallaku që të zgjidh ndeshjen me një goditje dënimi. Janë rritur shumë dhe unë personalisht jam çuditur kur i kam parë të luajnë në një mënyrë të tillë në fushë?, u shpreh ish-mbrojtësi i Tiranës.





Lajmet e fundit nga