web counter
LEXO PA REKLAMA!

SHKARKO APP

App Store
Google Play

E fundit!

x

Ka luajtur me Kukësin dhe Wolfsburgun, Valdet Rama paralajmëron gjermanët

2 Shtator 2020, 07:34, Sport CNA

Nuk është vetëm Nderim Nexhipi pjesëtari i Kukësit që në të kaluarën ka qenë pjesë e Volfsburgut. Nga klubi gjerman ka nisur karriera si profesionist e ish-mesfushorit të skuadrës verilindore, Valdet Rama. Nga viti 2005 deri në 2008-ën, lojtari nga Mitrovica ka qenë pjesë e gjermanëve, por duke u aktivizuar vetëm në skuadrën e dytë të këtij klubi, që merrte pjesë në Ligën e Tretë vendëse (Regionaliga). Rama luajti për 7 muaj në vitin 2019 me fanellën e Kukësit, pikërisht në pjesën e dytë të sezonit 2018-2019, ku arriti të fitonte Kupën e Shqipërisë.

Madje, ai ishte në skuadër edhe në dy ndeshjet e zhvilluara ndaj Debrecenit për Ligën e Europës. Ish-mesfushori i Kombëtares shqiptare zgjodhi të rikthehej në Gjermani te SV Mepen që militon në Bundesligën 3. Për 32-vjeçarin është sezoni i tij i dytë te kjo skuadër dhe dje mediat gjermane kontaktuan me Ramën për ta pyetur rreth Kukësit, duke qenë se më 17 shtator Volfsburgu do të jetë mysafir në ?Air Albania? për turin e dytë të Ligës së Europës.

?DUHET KUJDES?
?Ndeshja kundër Volfsburgut do të jetë një moment kryesor për karrierën e lojtarëve të Kukësit. Natyrisht që Volfsburgu është favorit, por duhet të jenë shumë të kujdesshëm, pasi përballë do të kenë lojtarë që gjithmonë japin 100%. Volfsburgu duhet të mundohet shumë për ta fituar këtë takim?, tregon fillimisht Rama për portalin gjerman, ?sportbuzzer.de?. Ai më pas flet për kualifikimin e Kukësit ndaj bullgarëve të Slavia Sofias. ?Unë e pashë ndeshjen. Ishte një lojë shumë e mirë nga Kukësi. Ata krijuan disa mundësi për shënim dhe guxuan të bënin diçka më tepër se kundërshtari. Është një ekip që jep gjithçka në fushë, prandaj dhe theksova që Volfsburgu duhet të ketë kujdes dhe të bëjë përpjekje maksimale për të mbyllur shpejt ndeshjen?.





Lajmet e fundit nga