web counter
LEXO PA REKLAMA!

SHKARKO APP

App Store
Google Play

Vrasje, kanosje, armëmbajtje pa leje/ OFL në shënjestër tre "të fortët” e radhës

31 Gusht 2020, 09:58, Kronika CNA

Operacioni Forca e Ligjit iu ka dërguar formularët e vetëdeklarimit të pasurisë tre shtetasve, përkatësisht banues në Malësinë e Madhe dhe Shkodër.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL bën të ditur se i ka nisur kërkesat me shkrim për vetëdeklarimin e burimeve të pasurisë, shtetasve:

N. P., banues në Malësi të Madhe, i dënuar për veprat penale ?Krijimi i organizatës kriminale?, ?Trafiku ndërkombëtar i narkotikëve? dhe ?Pastrimi i produkteve të veprës penale apo të veprimtarisë kriminale?;

E. A., banues në Shkodër, i dënuar për veprën penale ?Shtrëngimi me anë të kanosjes për dhënien e pasurisë?;

A. K., banues në Shkodër, i dënuar për veprat penale ?Vrasja me paramendim?, ?Mbajtja pa leje e armëve të ftohta? dhe ?Largimi nga vendi i vuajtjes së dënimit?.

Këta individë, si subjekt i Ligjit Special, duhet t?u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t?i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.





Lajmet e fundit nga