E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

“Ata që nuk besojnë në Zot nuk e kuptojnë”, Egbo: Shkojmë edhe në në grupe si Skënderbeu

30 Gusht 2020, 17:41, Sport CNA

Tirana ka nisur nga puna për finalen e Superkupës së Shqipërisë ndaj Teutës pas eleminimit nga Champions League. Bardheblutë edhe pse bën një paraqitje mjaft të mirë kundër kampionëve të Serbisë, u mundën minimalisht 0-1 e tashmë do të luajnë në turin e 3-të të Europa League.

Në një intervistë për ?ABC News?, trajneri Emanuel Egbo është shprehur se skuadra e tij besoi se do të shkonte larg në Champions, ndërsa tani kërkojnë grupet e Europa League. Gjithashtu tekniku bardheblu theksoi se nëse Skënderbeu arriti të shkonte në fazën e grupeve edhe Tirana ka shanse ta bëjë një gjë të tillë.

Eleminimi nga Crvena Zvezda? ?Nuk është se Zvezda ka qenë dobët. Kam respekt për ata, pasi e qarkullojnë topin. Nuk është kollaj ta mbash më shumë se ata topin. Kjo është pozitive për ekipin tonë?.

Para dy vitesh Tirana ra nga Kategoria, sezonin e kaluar fitoi titullin e tani kërkon grupet e Europa League? ?Nuk dorëzohem kurrë. Një i varfër sot mund të bëhet i pasur, sepse i vendos gjërat te fati i Zotit. Ata që nuk besojnë në Zot nuk kanë shans ta kuptojnë atë që them unë. Duhet aftësi, duhet të punosh, të analizosh kundërshtarin.

Kam dëgjuar në televizion, që një ekip që lufton për rënien nga kategoria nuk mund ta fitojë titullin. E kam thënë që çdo gjë është e mundur, mjafton të besosh. Këtë kemi bërë ne, nga i pari, nga punëtori i fushës e deri te presidenti. Besuam dhe e fituam titullin. Besuam që do shkojmë larg në Champions dhe kemi bërë atë lojë që bëmë.

Paraqitja qe ka bërë Tirana në dy ndeshje, mendoj se u ka dhënë besim ekipeve të tjera për të kaluar turet si ne. Edhe ajo që ka bërë Skënderbeu, i ka ndihmuar klubet tona. Nëse e ka bërë Skënderbeu, edhe ne kemi mundësi ta bëjmë.

Është diçka e mirë për kampionatin shqiptar që ekipet të kualifikohen. Edhe ne do bëhemi si vendet e tjera në Europë. Është diçka pozitive për kampionatin. Nëse të dhjetë ekipet shkojnë në atë nivel, atëherë do të bëhet një kampionat edhe më i fortë. Vjet ka qenë kampionati më i vështirë, që kur kam ardhur në Shqipëri, Deri në fund u diskutua çështja e titullit kampion?.