web counter
LEXO PA REKLAMA!

SHKARKO APP

App Store
Google Play

E fundit!

x

Rekord shqiptarësh, 7 skuadra luajnë sot në Ligën e Europës

27 Gusht 2020, 09:03, Sport CNA

Dita e sotme është mjaft e veçantë për tre skuadra të Kategorisë Superiore të cilat do të luajnë shanset e tyre në turin e parë të Ligës së Europës. Gjithçka do të nisë më Teutën e cila në orën 16:30 do të presë në fushën e saj, izraelitët e Beitar Jeruzalem. Durrsakët kanë përballë një kundërshtar të sikletshëm, megjithatë do të provojnë kualifikimin për në raundin pasardhës. Më pas do të jetë radha e Laçit. Kurbinasit në orën 19:00 do të jenë në fushë për ndeshjen ndaj Keshlës, në Azerbaxhan.

Kurbinasit e trajnerit Armando Cungu janë ndeshur edhe në të kaluarën me këtë rival duke u eliminuar vetëm fali rregullit të golit në fushë kundërshtare, por këtë herë do të jetë vetë, një takim dhe gjithçka mund të ndodhë. Në fund, në orën 20:00 është Kukësi që zbret në Air Albania Stadium, teksa përballë do ketë Sllavian e Sofies. Verilindorët me trajnerin Skënder Gega ia kanë dalë të federojnë afrimet e kësaj merkato dhe kërkojnë kualifikimin në raundin tjetër.

Por, nuk janë vetëm ekipet e Superiores në aksion për ditën e sotme të Ligës së Europës. Kualifikimin do ta luajnë edhe Shkëndija e Tetovës e cila do të luajë në Azerbaxhan ndaj Sumqajit, Renova po ashtu në transfertë ndaj Alashkert, si dhe Shkupi gjithashtu në transfertën azere ndaj Nefçi Baku. Për të mos harruar më pas edhe Gjilanin. Ekipi i drejtuar nga Gentian Mezani ka një mision të vështirë duke qenë se luan përballë APOEL, megjithatë fakti që luan në shtëpi bën që të ketë shpresë. Kështu, sot do të jetë një ditë e veçantë për shqiptarët, duke shpresuar që sa më shumë skuadra të marrin kualifikimin.

Ndeshjet:

Teuta-Beitar Jeruzalem 16:30

Sumqaji-Shkëndija e Tetovës 18:00

Alashkert-Renova 18:00

Nefçi Baku:Shkupi 18:00

Keshla:Laçi 19:00

Gjilani:APOEL 19:00

Kukësi:Sllavia Sofies 20:00





Lajmet e fundit nga